Qazaqstan fermerlerine dızel otynyn kóktemgi egis jumystary kezinde tómendetilgen baǵamen berýge ýáde etildi, dep habarlaıdy “Adyrna” ulttyq portaly Energetıka mınıstrliginiń baspasóz qyzmetine silteme jasap.
"Energetıka jáne aýyl sharýashylyǵy mınıstrlikteri 2024 jylǵy kóktemgi dala jumystaryna dızel otynyn jetkizý boıynsha MÓZ-ge oblystardy bekitý kestesin bekitti". Energetıka mınıstrligi usynǵan dızel otynynyń baǵasy AShTÓ óndirýshileri úshin tikeleı 250 teńge/lıtrdi quraıdy, bul JMQS "tapanshasyndaǵy" bólshek saýda baǵasynan 15% - ǵa tómen jáne 2023 jylǵy egin jınaý jumystarynan keıin ózgerissiz qalady. Usynylǵan baǵa barlyq 17 óńir úshin biryńǵaı bolyp tabylady jáne AShT otynyn jetkizý boıynsha óńirlik operatorlardyń tasymaldaý jáne marjasyna arnalǵan shyǵystardy qamtıdy", – delingen habarlamada.
Kestege sáıkes 340,2 myń tonna dızel otynyn 2024 jylǵy 1 aqpannan bastap 30 maýsymǵa deıin aýyl sharýashylyǵy ónimin óndirýshilerge (AShJ) Qazaqstannyń 20 óńiriniń 17 – sinde, onyń ishinde myń tonna: aqpan – 45, Naýryz – 90,4, sáýir – 92,8, mamyr – 103,4 jáne maýsym-8,6 tıep jóneltý jáne jetkizý josparlanýda.
Atyraý, Pavlodar jáne Shymkent MÓZ óndirisiniń dızel otynyn tıeý jáne jetkizý "QazMunaıGaz" UK AQ jáne "Petrosun"JShS resýrstarynan júzege asyrylady.
“Adyrna” ulttyq portaly
