Sońǵy ýaqytta sý tasqyny máselesi aýdan jurtshylyǵyn alańdatyp, qoǵamdyq rezonans týǵyzdy. Erigen qar sýy men joǵarydan kelgen qyzyl sýdyń ábigerge salǵany bar.
Búgin ózimniń jeke paraqsham arqyly sý tasqynynyń aldyn alý sharalary kezindegi jergilikti atqarýshy organ ókilderiniń áreketin, kózben kórip, qulaq estigen dúnıeni baıandaýdy jón kórdim.
Bıylǵy jyldyń kóktemi tek aýdan jurtshylyǵyn ǵana emes, elimizdiń biraqatar óńirine qaýip tóndirdi. Kaztalov aýdany da sý tasqynynyń zardabyn shegýi múmkin edi. «Qazsýshar» RMK Batys Qazaqstan oblystyq fılıalynan Reseı Federaııasynyń sý qoımalarynan kóp mólsherde sý jiberilip jatyrǵandyǵy jóninde habar aldyq. Sol sátten bastap aýdan ákimi apparatynyń ujymy táýliktik jumys rejımine kóship, sýdyń qarqynyna saǵat saıyn baqylaý júrgizilip otyrdy.
Aýdan ákimi Aslanbek Sarqulovty alańdatqan basty másele — halyqtyń amandyǵy. Ózi bastap, orynbasarlary men bólim, mekeme basshylary sý basý qaýpi bar aýyldarda sý tasqynynyń aldyn alý sharalaryn júrgizdi. Oblys basshylyǵymen kelise otyryp, aýdanymyzǵa tehnıkalar aldyrdy. Aýdanymyzdaǵy merdigerlermen jáne jeke kásipkerler, sharýa qojalyq jetekshilerimen de sóılesip, sý tasqynynyń aldyn alý sharalaryna qoldaý kórsetýge shaqyrdy. Tilsiz jaýmen kúreske tek basshylar ǵana emes mekeme qyzmetkerleri de jumyldyrylyp, eriktiler jáne aýyl turǵyndary tartyldy.
Aýdan ákimi tótenshe jaǵdaıdyń aldyn alý jónindegi shtab múshelerimen, orynbasarlarymen birge aýdanymyzdyń barlyq aýyldyq okrýgteri men eldi mekenderinde bolyp,sý tasqynynyń aldyn alý sharalaryn, lımandar men kólderge sý shyǵarý jumystaryn baqylady. 31 naýryz kúni aýdanymyzǵa oblystyq tótenshe jaǵdaılar bóliminiń qoldaýymen TREKOL markaly jol talǵamaıtyn tehnıkasy keldi. Sol kúni Kaztalov aýdanynyń sý tasqynyna qarsy shtabynyń músheleri «Varfolomeevka», «Kaztalov 1» sý qoımasy, «Medetsaı» bógeti, «Aqsıraq» qaqpasynyń ahýalymen tanysyp, baqylaýǵa aldy. Aýdan ákimi Aslanbek Sarqulov bastaǵan shtab músheleri jáne BQO Qoǵamdyq keńesiniń tóraǵasy Erbol Salyqov, BQO aýyl sharýashylyǵy basqarmasynyń basshysy m.a. Rústem Zulqashev, «Qazsýshar» RMK BQO fılıaly dırektorynyń orynbasary Tólegen Ǵumarov atalǵan nysandardaǵy sýdyń kelýin jáne aıdaý proesin nazarǵa aldy. Sýdyń kelýi jáne ótýi qarqyndy. Shtab músheleri jáne oblystan kelgen mamandar sý tasqynynyń aldyn alý maqsatynda birqatar sheshimder qabyldady. Sonyń biri Qoshankól aýyldyq okrýginiń lımandary men kólderine sý aıdaý arqyly Kaztalov aýylyna keletin sý qarqynyn azaıtý.
1 sáýir kúni aýdan ákimi sý basý qaýpi bar, Qaraózen boıynda ornalasqan Satybaldy (Kókterek aýyldyq okrýgi), Bostandyq (Qarasý aýyldyq okrýgi), Jas (Qaraózen aýyldyq okrýgi) eldi mekenderinde bolyp, ózen sýynyń kelý qarqynyn, aǵymdaǵy ahýaldy baqylap, eldi mekender turǵyndarymen kezdesip, sý tasqynynyń aldyn alý máselelerin talqylady.
Sonymen qatar aýdan ákimi Aslanbek Sarqulov №2 Kaztalov aýdandyq aýrýhanasynda bolyp, sý tasqynynyń aldyn alý kezinde jaraqat alǵan qutqarýshy №17 órt sóndirý bóliminde bólimshe komandıri Batyrbek Qapsıyqovpen kezdesti. Aýdan basshysy qutqarýshyǵa el basyna kún týǵan kezdegi eńbegi úshin rızashylyǵyn bildirdi.
Ózderińizge belgili «Leker» sý qoımasyndaǵy taza aýyz sý kóktemgi qar sýymen aralasyp, aýdan ortalyǵyndaǵy aýyz sý máselesine qıyndyq týǵyzdy. Degenmen aýyz sý máselesi boıynsha shara qabyldanyp, tasymal arqyly turǵyndardy aýyz sýmen qamtamasyz etý jumystary júrgizildi. Osy kúni aýdan ákimi Aslanbek Sarqulov «Leker» sý qoımasyna baryp, sala mamandarymen birge jaǵdaıdy baqylady. Stanııa aýmaǵynda áli de kóp mólsherde qar sýy bolǵandyqtan atpen qatynaý ǵana múmkin boldy. Atalǵan sý stanııasynyń máselesi kún tártibine qoıylyp, aldaǵy ýaqytta tıisti sharalar qabyldandy. Aýdan ákiminiń bastamasymen «Leker» sý qoımasynyń uńǵymalaryn tazartý jumystary júrgizildi.
Aınalasy sýǵa tolǵan sý qoımasyna jetý úshin BQO Tótenshe jaǵdaılar departamentiniń TREKOL mashınasy, «Bókeıorda» memlekettik tabıǵı rezervatynyń arnaıy tehnıkalary jumyldyrylyp, aýdandyq máslıhat depýtattary men aýdandyq mekeme qyzmetkerleri topyraq salynǵan qapshyqtardy tıep, tasymaldaýǵa septigin tıgizdi. Aýdan ákimi Aslanbek Ahmetollauly jumysshylarǵa qurmetpen qarap, ózi de bilek sybana kirisip birge jumys istedi.
Osy kúni keshke aýdan ortalyǵynda jamaǵatqa aýyzashar berildi. Aýyzasharǵa qatysqan aýdan ákimi jamaǵatty Ramazan aıymen quttyqtap, sý tasqynynyń aldyn alýdaǵy belsendilikteri úshin rızashylyǵyn bildirdi. Sondaı-aq «elde oryn alǵan jaǵdaıǵa baılanysty aýdan ákimdigine alýǵa josparlanǵan Hyundai Tucson markaly qos avtokólik alynbaıdy jáne bul qarajat eldi mekenderdi sýdan qorǵaý sharalary syndy ózekti máselelerdi sheshýge jumsalatyn bolady» degen málimdeme jasady.
Jalpy sý tasqyny qaýpi tóngen mezgilde aýdan ákimi Kaztalov, Jalpaqtal, Bostandyq, Qaraoba, Qoshankól, Tereńkól, Jańajol, Qaraózen, Birik, Kókterek, Qarasý, Aqpáter, Qaıyńdy, Bolashaq, Taldyqudyq, Taldyapan aýyldyq okrýgteriniń ortalyǵy men eldi mekenderinde boldy. Sý basý qaýpi bolǵan Satybaldyǵa okrýg ákimi Baqytjan Satqanuly, Bostandyq (Qarasý a.o.) eldi mekenine «Aıbyn» sport klýbynyń dırektory Ashat Talǵatuly jaýapty bolyp, qaýip seıilgenshe eldi mekenniń qaýipsizdigin qamtamasyz etý jumystaryn júrgizip, basshylyqty aǵymdaǵy ahýalmen saǵat saıyn habardar etip otyrdy.
Tilsiz jaýmen kúreske 19 tehnıka oblystan keldi, aýdannan 27 tehnıka, 1500 adam, 5 qaıyq, 1 tirkemeli motopompa jáne 2 motopompa jumyldyryldy. Aýdan boıynsha 26050 qapshyq qaptaldy.
Sý tasqynynyń aldyn alý jumystary kezinde aýdan ákimi men orynbasarlary, mekeme basshylary men mekeme qyzmetkerleri úıde emes, túzde boldy. Kabınette emes, halyqpen birge boldy. Aýyr kezeńde mamandarmen jáne aýdanymyzdyń aǵa býyn ókilderimen mańyzdy sheshimder qabyldap, birinshi qara bastyń qamyn emes, halyqtyń amandyǵyn qoıdy. Tek aýdan ortalyǵy ǵana emes, aýdanymyzdyń barlyq aýyldary men eldi mekenderinde bolyp, TREKOL tehnıkasy arqyly 2100 shaqyrymdy júrip ótip, jaǵdaıdy óz kózimen baqylady. Tań aǵaryp atqan sátte jolǵa shyǵyp, tún ortasy aýǵan shaqta qaıta oraldyq. Dalada batyp, sýdyń ortasynda qalǵan da sátter boldy. BQO TJD jedel qutqarý jasaǵynyń bas qutqarýshylary Shynbolat Jamanqulov, Ádilhan Jumaǵalıev jáne BQO TJD órt sóndirý jáne avarııalyq-qutqarý jumystary qyzmeti (Oral qalasy) RMM №21 ÓSB órt sóndirýshi-qutqarýshy azamattyq qorǵaý kishi serjanty Azat Alımov syndy azamattardyń kómegimen dittegen maqsatymyzǵa jettik.
Sý tasqynynyń aldyn alyp, qaýipti seıiltýde memlekettik qyzmetkerlerdiń úlesi zor!
