Petropavl qalasynyŋ maŋyndaǧy auyldarda su tasqyny jalǧasuda, dep habarlaidy "Adyrna" tılşısı Tengrinews.kz-ke sıltep.
Jergılıktı tūrǧyndar mülıkterın, üi januarlary men maldaryn saqtap qaluǧa bar küş-jıgerın salyp, qūtqaruşylarǧa kömektesıp jür. Tılşıler soltüstıktegı jaǧdaidy suret arqyly jetkızdı.
12 säuır künı tüsırılgen foto suretterde Esıl özenındegı su deŋgeiınıŋ aitarlyqtai köterılgenın baiqauǧa bolady. Qoldan jasalǧan bögetter kömektespegen.
Qūtqaruşylar men kömekke jıberılgen äskeriler qapşyqtarǧa qūm toltyryp, sudan töngen qauıptı seiıltude.
Aimaqtaǧy bau-baqşa men saiajailar su astynda qalyp qoiǧan. Tūrǧyn üiler men alaŋdardy su basqan.
Foto suretterde tūrǧyndardyŋ jabyrqauly jüzınen ümıtsızdık, aşu men yza baiqalady. Olar üi januarlaryn qauıpsız jerge köşırıp, evakuasiialaǧan. Siyrdy evakuasiialaǧan tūrǧyndardyŋ bırı ainalany suretke tüsırgen tılşılerdı körıp, aşulanǧan körınedı.
Al tūrǧyndar jergılıktı şendılerdıŋ osydan 7 jyl būrynǧy topan sudan sabaq alǧanynda bügıngı su tasqynyn boldyrmauǧa bolatynyn aitady.
Säuırdıŋ 12-sı küngı jaǧdai boiynşa aimaqtaǧy joldar su astynda qalǧan. Aumaqta
ürlemelı qaiyǧy bar qūtqaruşylar kezekşılıkte tūr.
Al 13 säuırde Teplichnyidaǧy jaǧdai uşyqqan. Sebebı öŋırdegı üiler töbesıne deiın su astynda qaldy.
Özın Svetlana dep tanystyrǧan auyl tūrǧyny:
"Ol jerde menıŋ küşıgım suda qaldy", - dedı.
Odan bölek Qyzyljar qalasynda su qarqyndy.
Ūqsas jaŋalyqtar
«Petropavl qalasy boiynşa qazır ahual öte qiyn. Barlyq jerde su qarqyndy dep aituǧa bolady. Esıl özenınıŋ deŋgeiı köterılıp, qorǧanys bögetterı men basqa da qorǧanys qūrylymdaryn būzyp kettı. Dese de däl qazır jeke qūramnan üş myŋnan astam adam men tehnikalar jūmyldyryldy. Podgora audanynda 1300-den adam tūrady. Onyŋ ışınde şamamen 600-den astam adam aldyn ala evakuasiialandy. Mūnda Tötenşe jaǧdailar ministrlıgı, Polisiia departamentı jäne jergılıktı atqaruşy organdar jūmys ıstep jatyr. Jedel ştab qūryldy. Petropavl qalasy boiynşa on üş evakuasiialyq punkt qūryldy, - dedı SQO TJ departamentınıŋ bastyǧy, polkovnik Erık Sarybaev.
