پەتروپاۆل قالاسىنىڭ ماڭىنداعى اۋىلداردا سۋ تاسقىنى جالعاسۋدا، دەپ حابارلايدى "ادىرنا" ءتىلشىسى Tengrinews.kz-كە سىلتەپ.
جەرگىلىكتى تۇرعىندار مۇلىكتەرىن، ءۇي جانۋارلارى مەن مالدارىن ساقتاپ قالۋعا بار كۇش-جىگەرىن سالىپ، قۇتقارۋشىلارعا كومەكتەسىپ ءجۇر. Tىلشىلەر سولتۇستىكتەگى جاعدايدى سۋرەت ارقىلى جەتكىزدى.
12 ءساۋىر كۇنى تۇسىرىلگەن فوتو سۋرەتتەردە ەسىل وزەنىندەگى سۋ دەڭگەيىنىڭ ايتارلىقتاي كوتەرىلگەنىن بايقاۋعا بولادى. قولدان جاسالعان بوگەتتەر كومەكتەسپەگەن.
قۇتقارۋشىلار مەن كومەككە جىبەرىلگەن اسكەريلەر قاپشىقتارعا قۇم تولتىرىپ، سۋدان تونگەن قاۋىپتى سەيىلتۋدە.
ايماقتاعى باۋ-باقشا مەن ساياجايلار سۋ استىندا قالىپ قويعان. تۇرعىن ۇيلەر مەن الاڭداردى سۋ باسقان.
فوتو سۋرەتتەردە تۇرعىنداردىڭ جابىرقاۋلى جۇزىنەن ۇمىتسىزدىك، اشۋ مەن ىزا بايقالادى. ولار ءۇي جانۋارلارىن قاۋىپسىز جەرگە كوشىرىپ، ەۆاكۋاتسيالاعان. سيىردى ەۆاكۋاتسيالاعان تۇرعىنداردىڭ ءبىرى اينالانى سۋرەتكە تۇسىرگەن تىلشىلەردى كورىپ، اشۋلانعان كورىنەدى.
ال تۇرعىندار جەرگىلىكتى شەندىلەردىڭ وسىدان 7 جىل بۇرىنعى توپان سۋدان ساباق العانىندا بۇگىنگى سۋ تاسقىنىن بولدىرماۋعا بولاتىنىن ايتادى.
ءساۋىردىڭ 12-ءسى كۇنگى جاعداي بويىنشا ايماقتاعى جولدار سۋ استىندا قالعان. اۋماقتا ۇرلەمەلى قايىعى بار قۇتقارۋشىلار كەزەكشىلىكتە تۇر.
ال 13 ساۋىردە تەپليچنىيداعى جاعداي ۋشىققان. سەبەبى وڭىردەگى ۇيلەر توبەسىنە دەيىن سۋ استىندا قالدى.
ءوزىن سۆەتلانا دەپ تانىستىرعان اۋىل تۇرعىنى:
"ول جەردە مەنىڭ كۇشىگىم سۋدا قالدى", - دەدى.
ودان بولەك قىزىلجار قالاسىندا سۋ قارقىندى.
«پەتروپاۆل قالاسى بويىنشا قازىر احۋال وتە قيىن. بارلىق جەردە سۋ قارقىندى دەپ ايتۋعا بولادى. ەسىل وزەنىنىڭ دەڭگەيى كوتەرىلىپ، قورعانىس بوگەتتەرى مەن باسقا دا قورعانىس قۇرىلىمدارىن بۇزىپ كەتتى. دەسە دە ءدال قازىر جەكە قۇرامنان ءۇش مىڭنان استام ادام مەن تەحنيكالار جۇمىلدىرىلدى. پودگورا اۋدانىندا 1300-دەن ادام تۇرادى. ونىڭ ىشىندە شامامەن 600-دەن استام ادام الدىن الا ەۆاكۋاتسيالاندى. مۇندا توتەنشە جاعدايلار مينيسترلىگى، پوليتسيا دەپارتامەنتى جانە جەرگىلىكتى اتقارۋشى ورگاندار جۇمىس ىستەپ جاتىر. جەدەل شتاب قۇرىلدى. پەتروپاۆل قالاسى بويىنشا ون ءۇش ەۆاكۋاتسيالىق پۋنكت قۇرىلدى، - دەدى سقو تج دەپارتامەنتىنىڭ باستىعى، پولكوۆنيك ەرىك سارىباەۆ.
