Soltústik Qazaqstan oblysyndaǵy Sergeevka sý qoımasynda sý deńgeıi kóterilip keledi, dep habarlaıdy "Adyrna" tilshisi QazAqparatqa siltep.
"Qazgıdromet" RMQ SQO fılıaly aldaǵy kúnderi birneshe aýdany men Petropavlda Esil ózeniniń sýy tasıdy dep boljaǵan.
«Soltústik Qazaqstan oblysynda 19 gıdrologııalyq beket jumys isteıdi. Qazir sý tasqynyna baılanysty monıtorıngti jıilettik. Óńirdegi gıdrologııalyq jaǵdaıǵa kelsek, shaǵyn Aqanburlyq, Babyqburlyq, Sharyq ózenderi deńgeıiniń turaqty tómendeýi baıqalady. Bul ózenderde sýdyń tasý deńgeıi shegine jetti dep aıta alamyz. Sonymen qatar Toqsan bı gıdrologııalyq beketinde de tómendeý bar, al Sergeevka sý qoımasynda sýdyń 418 sm-ge kóterilgeni baıqalady, sýdyń kóterilýi 400-430 sm-ge jetedi dep boljanǵan. Aldaǵy táýlikte birinshi tolqyn ótedi dep kútilýde. Sý aǵyny Shal aqyn, Esil, Qyzyljar aýdany jáne Petropavl qalasy arqyly ótedi», - dedi «Qazgıdromet» RMK SQO fılıalynyń dırektory Qymbat Merǵalımova.
Jaýaptylardyń aıtýynsha, Esil aýdanynda sýdyń tasý shegi 14 cáýirde, Qyzyljarda 21 sáýirde dep kútilýde. Odan bólek, Petropavlǵa Sergeevka sý qoımasynan tasqyn 12-14 sáýirde kele bastap, 23 sáýirde sharyqtaý shegine jetýi múmkin.
Odan bólek BAQ-ta Sergeev sý qoımasy 50 jylda alǵash ret qaýipti deńgeıge kóterilgeni aıtyldy.
