سولتۇستىك قازاقستان وبلىسىنداعى سەرگەەۆكا سۋ قويماسىندا سۋ دەڭگەيى كوتەرىلىپ كەلەدى، دەپ حابارلايدى "ادىرنا" ءتىلشىسى قازاقپاراتقا سىلتەپ.
"قازگيدرومەت" رمق سقو فيليالى الداعى كۇندەرى بىرنەشە اۋدانى مەن پەتروپاۆلدا ەسىل وزەنىنىڭ سۋى تاسيدى دەپ بولجاعان.
«سولتۇستىك قازاقستان وبلىسىندا 19 گيدرولوگيالىق بەكەت جۇمىس ىستەيدى. قازىر سۋ تاسقىنىنا بايلانىستى مونيتورينگتى جيىلەتتىك. وڭىردەگى گيدرولوگيالىق جاعدايعا كەلسەك، شاعىن اقانبۇرلىق، بابىقبۇرلىق، شارىق وزەندەرى دەڭگەيىنىڭ تۇراقتى تومەندەۋى بايقالادى. بۇل وزەندەردە سۋدىڭ تاسۋ دەڭگەيى شەگىنە جەتتى دەپ ايتا الامىز. سونىمەن قاتار توقسان بي گيدرولوگيالىق بەكەتىندە دە تومەندەۋ بار، ال سەرگەەۆكا سۋ قويماسىندا سۋدىڭ 418 سم-گە كوتەرىلگەنى بايقالادى، سۋدىڭ كوتەرىلۋى 400-430 سم-گە جەتەدى دەپ بولجانعان. الداعى تاۋلىكتە ءبىرىنشى تولقىن وتەدى دەپ كۇتىلۋدە. سۋ اعىنى شال اقىن، ەسىل، قىزىلجار اۋدانى جانە پەتروپاۆل قالاسى ارقىلى وتەدى»، - دەدى «قازگيدرومەت» رمك سقو فيليالىنىڭ ديرەكتورى قىمبات مەرعاليموۆا.
جاۋاپتىلاردىڭ ايتۋىنشا، ەسىل اۋدانىندا سۋدىڭ تاسۋ شەگى 14 cاۋىردە، قىزىلجاردا 21 ساۋىردە دەپ كۇتىلۋدە. ودان بولەك، پەتروپاۆلعا سەرگەەۆكا سۋ قويماسىنان تاسقىن 12-14 ساۋىردە كەلە باستاپ، 23 ساۋىردە شارىقتاۋ شەگىنە جەتۋى مۇمكىن.
ودان بولەك باق-تا سەرگەەۆ سۋ قويماسى 50 جىلدا العاش رەت قاۋىپتى دەڭگەيگە كوتەرىلگەنى ايتىلدى.
