Aqtauda qala äkımdıgınıŋ tapsyrmasyna säikes qala tūrǧyndaryn elektr energiiasymen tūraqty ärı sapaly qamtamasyz etu maqsatynda jalpy ūzyndyǧy 76,9 şaqyrymdyq tozu deŋgeiı orta eseppen 80%-dy qūraityn 17 elektr jelısın ekı kezeŋge bölıp jaŋartu jūmystary josparlanǧan. Būl turaly Aqtau qalasynyŋ äkımı esep beru kezdesuınde baiandady.
Jobanyŋ I-kezeŋınde qalanyŋ bırqatar şaǧyn audandaryn qamtityn jalpy ūzyndyǧy 22,5 şaqyrymdy qūraityn tozyǧy jetken elektr jelılerın jaŋartu jūmystary jürgızıldı. Al, ekınşı kezeŋınde taǧy 8 şaǧyn audannyŋ jalpy ūzyndyǧy 54,4 şaqyrymdy qūraityn 11 elektr jelısın jaŋartu jūmystary jüzege asyrylyp jatyr.
Sondai-aq quattylyǧy 110/10 kV bolatyn HAB-1 jäne HAB-2 qosalqy stansiialarynyŋ qūrylysy aiaqtaldy. Atalǧan jobalar elektr energiiasyn tūraqty jetkızuge jäne basqa qosalqy stansiialardyŋ jüktemesın azaitu arqyly qalanyŋ jalpy energiiamen qamtyluyn jaqsartuǧa mümkındık beredı. Qazırgı uaqytta, nysandy qoldanysqa qabyldau jūmystary jürgızılude.
