اقش-تىڭ ماسكەۋدەگى ەلشىلىگى تاراتقان مالىمدەمەدە رەسەيدە تۇراتىن امەريكالىقتاردى ءوز قاۋىپسىزدىگىنە الاڭداۋعا جانە ءىرى قالالارداعى «تەراكتىلەر قاۋپىنە» بايلانىستى ەۆاكۋاتسيالاۋ جوسپارلارىن قاراستىرۋعا شاقىردى، دەپ حابارلايدى "ادىرنا" ۇلتتىق پورتالى.
"بۇقارالىق اقپارات قۇرالدارىنىڭ حابارلاۋىنشا، ءىرى قالالارداعى، سونىڭ ىشىندە ماسكەۋ مەن سانكت-پەتەربۋرگتەگى ساۋدا ورتالىقتارىنا، مەترو ستانتسيالارىنا جانە باسقا دا ادامدار كوپ جينالاتىن ورىندارعا، سونداي — اق رەسەي مەن ۋكراينا شەكاراسى بويىنداعى شيەلەنىسكەن اۋداندارعا شابۋىل جاساۋ قاۋپى بار", - دەپ حابارلايدى ديپلوماتيالىق ميسسيا.
وسىعان وراي، ەلشىلىك "جەكە قاۋىپسىزدىك جوسپارلارىن تۇزەتۋدى... اقش بيلىگىنىڭ قولداۋىن قاجەت ەتپەيتىن ەۆاكۋاتسيا جوسپارلارىن (ەلدەن) ويلاستىرۋدى" ۇسىندى.
بۇل اقپاراتتى رەسەي وكىلدەرىنە رەسمي ارنالار ارقىلى، سونىڭ ىشىندە تەرروريزمگە قارسى ىنتىماقتاستىق اياسىندا جەتكىزىلگەنى تۋرالى حابارلانعان جوق.
"ادىرنا" ۇلتتىق پورتالى
