ۋكراينا پرەزيدەنتى رەزەرۆتەگى ازاماتتاردى اسكەرگە شاقىرۋ تۋرالى جارلىققا قول قويدى، دەپ حابارلايدى “ادىرنا” ۇلتتىق پورتالى.
Nege.Kz سايتىنىڭ مالىمەتىنشە، زەلەنسكي حالىقتى تولىق جۇمىلدىرۋدىڭ ازىرگە قاجەتى جوق دەدى. سونداي-اق بيزنەس پەن بانك جۇيەسى ۋاقىتشا سالىقتان بوساتىلدى جانە جانارماي مەن ديزەلگە قوسىمشا قۇن سالىعى تومەندەتىلدى. ۋكراينانىڭ توتەنشە جاعداي قىزمەتى لۋگانسك جىلۋ ەلەكتر ستانتسياسى زەڭبىرەكپەن اتقىلانعانىن حابارلادى.
ۆلاديمير زەلەنسكي، ۋكراينا پرەزيدەنتى:
– رەسەي مينسك كەلىسسوزدەرىنەن ءبىر جاقتى جولمەن شىعىپ كەتتى. ءبىز ءۇشىن بۇگىن اتىستى توقتاتۋعا كۇش سالۋدان باسقا امال جوق. مەن بۇل ماسەلەنى ەكى جاقتى كەلىسسوزدەر ارقىلى جانە باسقا كوشباسشىلاردىڭ قاتىسۋىمەن شەشۋگە دايىنمىن. سەرىكتەس ەلدەردىڭ سانكتسيالار ەنگىزىپ جاتقانىنا قۋانىشتىمىن. ۋكراينا – بەيبىتسۇيگىش حالىق، بىزگە كەرەگى تىنىشتىق، بىراق قازىر ءبارىمىز ءۇنسىز وتىرا بەرسەك، شەتىمىزدەن قىرىلامىز.
“ادىرنا” ۇلتتىق پورتالى
