اقوردادا مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ جەدەل وتىرىسى ءوتىپ، ونىڭ كۇن تارتىبىندە حالىقارالىق قاۋىپسىزدىكتىڭ وزەكتى ماسەلەلەرى قارالدى، - دەپ حابارلايدى "ادىرنا" ءتىلشىسى اقورداعا سىلتەمە جاساپ.
قازاقستاننىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋ كونتەكستىندەگى ۋكراينا توڭىرەگىندەگى جاعدايعا قاتىستى ماسەلەلەر قارالدى. جيىن قورىتىندىسى بويىنشا مەملەكەت باسشىسى مەملەكەتتىك ورگاندارعا ناقتى مىندەتتەر قويىپ، تاپسىرمالار بەردى.
ەسكە سالايىق، ۋكرايناداعى جاعداي 24 اقپاندا رەسەي پرەزيدەنتى ۆلاديمير ءپۋتيننىڭ بەيبىت تۇرعىنداردى قورعاۋ ماقساتىندا دونباسستا ارنايى اسكەري وپەراتسيا باستالعانى تۋرالى مالىمدەمەسىنەن كەيىن ۋشىعىپ كەتكەن بولاتىن.
سونىمەن بىرگە، ساياساتكەر ءوز مالىمدەمەسىندە رەسەيدىڭ جوسپارىندا ۋكراينانى وككۋپاتسيالاۋدىڭ جوقتىعىن باسا ايتتى. كەيىن ۋكراينا پرەزيدەنتى ۆلاديمير زەلەنسكي بۇكىل ەلدە اسكەري جاعداي ەنگىزىلگەنىن مالىمدەدى. وسىدان كەيىن ساياساتكەر ۋكراينانىڭ رەسەيمەن ديپلوماتيالىق قارىم-قاتىناسىن ۇزگەنىن ايتتى.
"ادىرنا" ۇلتتىق پورتالى
