ۆلاديمير پۋتين مەن كيم چەن ىننىڭ كەزدەسۋى رەسەيدىڭ قيىر شىعىس فەدەرالدى وكرۋگىندە وتەدى. رەسەي پرەزيدەنتى سولتۇستىك كورەيا باسشىسىنىڭ قۇرمەتىنە رەسمي تۇسكى اس بەرەدى، دەپ حابارلايدى "ادىرنا" ۇلتتىق پورتالى.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ كەزدەسۋ رەسەي فەدەراتسياسىنىڭ قيىر شىعىسىندا وتەتىنىن ءمالىم ەتتى. سونىمەن قاتار، پەسكوۆ كيم چەنن مەن ءپۋتيننىڭ جوسپارلارى تۋرالى ايتا كەلىپ:
ء"بىز كەز-كەلگەن كورشىمىزبەن جاقسى قارىم-قاتىناس ورناتۋعا قارىزدارمىز..." "بۇل تولىققاندى ساپار، ەكى دەلەگاتسيانىڭ كەلىسسىوزدەرى بولادى. وسىدان كەيىن، قاجەت بولعان جاعدايدا، كوشباسشىلار جەكە-جەكە پىكىر الماسادى. سونداي-اق رەسەي پرەزيدەنتىنىڭ اتىنان سولتۇستىك كورەيادان كەلگەن قوناقتىڭ قۇرمەتىنە رەسمي تۇسكى اس جوسپارلانۋدا", - دەدى پەسكوۆ. دەپ پىكىر ءبىلدىردى.
كيم چەم ىننىڭ پويىزى 11 قىركۇيەك كۇنى كەشكە رەسەي فەدەراتسياسىنا بەت الدى.
وڭتۇستىك كورەيا اسكەريلەرى، ولاردىڭ بولجامى بويىنشا، كحدر كوشباسشىسى رەسەيگە كەلىپ جەتكەنىن ايتتى، دەپ جازادى ABC News.
سولتۇستىك كورەيا باسشىسى شەتەلگە سوڭعى رەت 2019 جىلى شىققان، وندا رەسەيدىڭ ۆلاديۆوستوگىنا بارعان.
- ەڭ الدىمەن پۋتين مەن كيم چەن ىن ەكىجاقتى قاتىناستاردى تالقىلايدى. كحدر - ءبىزدىڭ كورشىمىز. ارينە، كەز كەلگەن كورشىمىزبەن ءتيىمدى بايلانىس قۇرۋعا دايىنبىز. بۇل ءپۋتيننىڭ قولىنان جاقسى كەلەدى، - دەپ سەندىردى پەسكوۆ.
"ادىرنا" ۇلتتىق پورتالى
