بەلارۋس ەلىندە كونستيتۋتسيالىق رەفەرەندۋم باستالدى، دەپ حابارلايدى "ادىرنا" ۇلتتىق پورتالى.
▪️ كونستيتۋتسيا ماتىنىندە بۇكىل بەلارۋس حالىق جينالىسى حالىق بيلىگىنىڭ ەڭ جوعارى وكىلدى ورگانى رەتىندە ەنگىزىلەدى، باسقالارمەن قاتار ول سايلاۋدىڭ زاڭدىلىعى تۋرالى ماسەلەنى قاراۋعا جانە شەنەۋنىكتەرگە مىندەتتى تاپسىرمالار بەرۋگە قۇقىلى;
▪️ بۇكىل بەلارۋس جينالىسىنا پرەزيدەنتكە يمپيچمەنت جاريالاۋ جانە جوعارعى جانە كونستيتۋتسيالىق سوتتار مەن ورتالىق سايلاۋ كوميسسياسىنىڭ مۇشەلەرى مەن توراعالارىن تاعايىنداۋ قۇقىعى بەرىلەدى، سونىمەن قاتار ول زاڭ شىعارۋ باستاماسى قۇقىعىن الادى;
▪️ بۇكىل بەلارۋس حالىق جينالىسىنىڭ قۇزىرەتىنە كىرەتىن ماسەلەلەردى جەدەل شەشۋ ءۇشىن ونىڭ پرەزيديۋمى، ونىڭ ىشىندە توراعاسى بولادى - ول جاڭا كونستيتۋتسيا كۇشىنە ەنگەن كۇنى قىزمەت اتقاراتىن پرەزيدەنت بولۋى مۇمكىن;
▪️ پرەزيدەنت زاڭدى كۇشى بار جارلىقتار شىعارۋ قۇقىعىنان ايىرىلادى، ءبىر ادام 2 مەرزىمنەن ارتىق ەمەس پرەزيدەنت بولا الادى (شەكتەۋ جاڭادان سايلانعان پرەزيدەنت قىزمەتىنە كىرىسكەننەن كەيىن كۇشىنە ەنەدى);
▪️ وكىلەتتىگىن توقتاتقان پرەزيدەنت ءومىر بويى سەناتور بولا الادى، ول پرەزيدەنتتىك يممۋنيتەتتى ساقتايدى;
▪️ پرەزيدەنت قاستاندىق، تەررورلىق شابۋىل، اسكەري اگرەسسيا نەمەسە كۇش قولدانۋ سيپاتىنداعى وزگە دە ارەكەتتەر ناتيجەسىندە قازا تاپقان جاعدايدا توتەنشە نەمەسە اسكەري جاعداي ەنگىزىلەدى جانە مەملەكەتتىك ورگاندار قاۋىپسىزدىك كەڭەسىنىڭ شەشىمدەرىنە سايكەس ارەكەت ەتەدى.
"ادىرنا" ۇلتتىق پورتالى
