ۆلاديمير پۋتين رەسەي فەدەراتسياسىنىڭ قارۋلى كۇشتەرىن ۋكراينامەن سوعىستا قىزمەت ەتۋدىڭ ەرەكشە رەجيمىنە اۋىستىرۋدى تاپسىردى، ويتكەنى ناتو ەلدەرىنىڭ وكىلدەرى «ەلىمىزگە قارسى اگرەسسيۆتى مالىمدەمەلەرگە جول بەرىپ وتىر» دەپ حابارلادى رەسەي پرەزيدەنتى. بۇل تۋرالى "ادىرنا" ۇلتتىق پورتالى جازادى.
بۇل تۋرالى پۋتين كرەملدە رف قورعانىس ءمينيسترى سەرگەي شويگۋمەن جانە رەسەي قارۋلى كۇشى باس شتابىنىڭ باسشىسى ۆالەري گەراسيموۆپەن كەزدەسۋىندە مالىمدەدى.
«كورىپ وتىرسىزدار، باتىس ەلدەرى ءبىزدىڭ ەلگە قاتىستى ەكونوميكالىق سالادا جاعىمسىز ارەكەتتەردى جاساپ قانا قويمايدى - مەن زاڭسىز سانكتسيالاردى ايتىپ وتىرمىن، مۇنى بارلىعى جاقسى بىلەدى، سونىمەن قاتار ناتو-نىڭ جەتەكشى ەلدەرىنىڭ جوعارى لاۋازىمدى تۇلعالارى دا ءبىزدىڭ ەلگە قارسى اگرەسسيۆتى مالىمدەمەلەر جاساۋدا. سوندىقتان مەن قورعانىس ءمينيسترى مەن باس شتاب باستىعىنا رەسەي ارمياسىنىڭ تەجەۋ كۇشتەرىن جاۋىنگەرلىك كەزەكشىلىكتىڭ ەرەكشە رەجيمىنە كوشىرۋدى تاپسىرامىن»، - دەدى رەسەي پرەزيدەنتى.
"ادىرنا" ۇلتتىق پورتالى
