مەملەكەت باسشىسى قاسىم-جومارت توقاەۆ «نۇر وتان» پارتياسىن (پارتيا اتاۋى «امانات» دەپ وزگەرتىلدى) پارتيا مۇشەلەرىنىڭ سەنىمىنە يە ادامداردى انىقتاپ، العا جىلجىتۋعا شاقىردى، - دەپ حابارلايدى "ادىرنا" ءتىلشىسى اقوردا سايتىنا سىلتەمە جاساپ.
– اشىعىن ايتقاندا، قازىرگى كەزدە ساياسي مەنەدجەرلەردى دايارلاۋ ءىسى اقساپ تۇر. قازىرگى جاعدايدا ساياسي باسشىلار ءتۇرلى ماماندارمەن، جاستارمەن، جۋرناليستەرمەن، حالىقتىڭ بارلىق وكىلدەرىمەن ءتىل تابىسا الۋى كەرەك. مۇنداي ادامدار ەل اراسىندا از ەمەس. الەۋمەتتىك ءليفتىنىڭ جوقتىعى – بىردەن-ءبىر كەدەرگى. جاس ءارى قابىلەتتى ماماندارعا مۇمكىندىك بەرمەيمىز. بۇل – ءبىزدىڭ باستى كەمشىلىگىمىز. پارتيا قۇرىلىمىندا ساياسي مەنەدجمەنت اكادەمياسى بار. وسى اكادەميانىڭ قىزمەتىن كۇشەيتۋ قاجەت، – دەدى پرەزيدەنت.
پارتيا توراعاسى ەلدى ودان ءارى جاڭعىرتۋ جولىنداعى جۇمىسىندا پارتيا مۇشەلەرىنىڭ ۇسىنىس-پىكىرلەرىنە سەنەتىنىن باسا ايتتى. سوندىقتان ءاربىر قازاقستاندىققا قازىرگى ۇلتتىق كۇن ءتارتىبىن قالىپتاستىرۋعا اتسالىسۋعا مۇمكىندىك بەرەتىن يدەيالار مەن ۇسىنىستاردى جيناقتاۋ بويىنشا رەسپۋبليكالىق اكتسيانى باستاۋ ورىندى دەپ سانايدى.
ايتا كەتەيىك، سەزدە پارتيانىڭ اتىن امانات دەپ وزگەرتۋ تۋرالى شەشىم قابىلدانعان بولاتىن.
"ادىرنا" ۇلتتىق پورتالى
