قالا اكىمى م.ايتەنوۆتىڭ تاپسىرماسىنا سايكەس قازىعۇرت شاعىن اۋدانىندا ينتەرنەت ماسەلەسى شەشىمىن تابۋدا. بۇگىندە مۇنداعى تۇرعىنداردى ساپالى ينتەرنەتپەن قامتاماسىز ەتۋ ماقساتىندا جەكە ينۆەستور «سپەتساۆتوماتيكاسەرۆيس» جشس ارقىلى تالشىقتى وپتيكا جەلىسى جۇرگىزىلۋدە.
اتقارىلىپ جاتقان جۇمىستاردىڭ جاي-كۇيىمەن تانىسۋ ءۇشىن شىمكەنت قالاسى تسيفرلاندىرۋ باسقارماسىنىڭ باسشىسى اسەت ءابدىراحانوۆ اتالعان اۋماققا بارىپ، ينۆەستورمەن كەزدەستى.
جوسپار بويىنشا ءتيىستى جۇمىستار ەكى اي كولەمىندە اياقتالىپ، تۇرعىندارعا ساپالى جانە جوعارى جىلدامدىقتاعى ينتەرنەت قولجەتىمدى بولماق.
شاعىن اۋدان ازاماتتارى جوعارى جىلدامدىقتاعى ينتەرنەت جەلىسىنە قوسىلۋ ءۇشىن +7 705 783 06 80 بايلانىس ءنومىرى ارقىلى ءوتىنىم قالدىرا الادى.
