الماتى قالاسىنىڭ 44 جاستاعى تۇرعىنى ەلەنا بوروديۋك 14-ءشى ءسابيىن امان-ەسەن قولىنا الدى. وسىلايشا ولار 7 ۇل، 7 قىزعا اتا-انا بولىپ وتىر، دەپ حابارلايدى "ادىرنا" ۇلتتىق پورتالى ەكسپرەسس ك سايتىنا سىلتەپ.
دانيل، داۆيد، نەليا، اندرەي، ەلەنا، پاۆەل، ەليزاۆەتا دەپ بارلىق بالاسىنىڭ اتىن تىزبەكتەگەن كوپبالالى انا 14 ءسابيىن امان-ەسەن دۇنيەگە الىپ كەلگەنىنە قۋانىشتى. سودان بولار وتباسى مۇشەلەرى پەرزەنتحانادان شىعارىپ الۋعا جاقسى كوڭىل-كۇيمەن كەلگەن. بالالارى ارتىنان ەرگەن باۋىرىن قىزىقتاپ، بەتىنەن ءسۇيىپ، ەركەلەتىپ ءجۇر.
شىنىن ايتسام، ءبىز جوسپارلاپ بالا تۋ دەگەنگە ءمان بەرگەن جوقپىز. جاراتۋشى قانشا بالا بەرەدى، سونىڭ ءبارىن قۋانا قابىل الدىق. سول سەبەپتى بۇگىندە ۇلكەن وتباسىعا اينالىپ وتىرمىز. باستىسى بالا-شاعامىز تەڭدەي بولدى. 7 ۇل، 7 قىز، دەيدى ەلەنا.
باتىر انانى بوساندىرىپ العان الماتى قالالىق پەريناتالدىق ورتالىعى دارىگەرلەرىنىڭ ايتۋىنشا، ءسابيدىڭ بويى 55 سانتيمەتر، ال سالماعى 4 كەلىدەن اسادى. قازىر انانىڭ دا، بالانىڭ دا دەنساۋلىعى بىرقالىپتى.
"جوعارعى توپتاعى قاۋىپ-قاتەردەگى قان كەتۋ بولعاندىقتان، بۇكىل ۇجىم بولىپ اتسالىسىپ، ون ءتورتىنشى بالاسىن امان-ەسەن دۇنيەگە الىپ كەلدىك. قازىر ءبارى جاقسى", دەدى باس دارىگەردىڭ ورىنباسارى ءجاميليا يساەۆا.
كوپبالالى انا بالالارىنىڭ الدى ۇيلەنىپ، اكە اتانۋعا دايىندالىپ جۇرگەنىن دە جاسىرمادى. باستىسى دەننىڭ ساۋلىعى دەگەن ول ەلدىڭ تىنىشتىعى مەن بالالارىنىڭ اماندىعىنا تىلەكشى.
