Almaty qalasynyŋ 44 jastaǧy tūrǧyny Elena Borodiuk 14-şı säbiın aman-esen qolyna aldy. Osylaişa olar 7 ūl, 7 qyzǧa ata-ana bolyp otyr, dep habarlaidy "Adyrna" ūlttyq portaly Ekspress K saityna sıltep.
Danil, David, Nelia, Andrei, Elena, Pavel, Elizaveta dep barlyq balasynyŋ atyn tızbektegen köpbalaly ana 14 säbiın aman-esen düniege alyp kelgenıne quanyşty. Sodan bolar otbasy müşelerı perzenthanadan şyǧaryp aluǧa jaqsy köŋıl-küimen kelgen. Balalary artynan ergen bauyryn qyzyqtap, betınen süiıp, erkeletıp jür.
Şynyn aitsam, bız josparlap bala tuu degenge män bergen joqpyz. Jaratuşy qanşa bala beredı, sonyŋ bärın quana qabyl aldyq. Sol sebeptı bügınde ülken otbasyǧa ainalyp otyrmyz. Bastysy bala-şaǧamyz teŋdei boldy. 7 ūl, 7 qyz, deidı Elena.
Batyr anany bosandyryp alǧan Almaty qalalyq perinataldyq ortalyǧy därıgerlerınıŋ aituynşa, säbidıŋ boiy 55 santimetr, al salmaǧy 4 kelıden asady. Qazır ananyŋ da, balanyŋ da densaulyǧy bırqalypty.
"Joǧarǧy toptaǧy qauıp-qaterdegı qan ketu bolǧandyqtan, bükıl ūjym bolyp atsalysyp, on törtınşı balasyn aman-esen düniege alyp keldık. Qazır bärı jaqsy", dedı bas därıgerdıŋ orynbasary Jämilia İsaeva.
Köpbalaly ana balalarynyŋ aldy üilenıp, äke atanuǧa daiyndalyp jürgenın de jasyrmady. Bastysy dennıŋ saulyǧy degen ol eldıŋ tynyştyǧy men balalarynyŋ amandyǧyna tılekşı.
