Almaty qalasynyń 44 jastaǵy turǵyny Elena Borodıýk 14-shi sábıin aman-esen qolyna aldy. Osylaısha olar 7 ul, 7 qyzǵa ata-ana bolyp otyr, dep habarlaıdy "Adyrna" ulttyq portaly Ekspress K saıtyna siltep.
Danıl, Davıd, Nelıa, Andreı, Elena, Pavel, Elızaveta dep barlyq balasynyń atyn tizbektegen kópbalaly ana 14 sábıin aman-esen dúnıege alyp kelgenine qýanyshty. Sodan bolar otbasy músheleri perzenthanadan shyǵaryp alýǵa jaqsy kóńil-kúımen kelgen. Balalary artynan ergen baýyryn qyzyqtap, betinen súıip, erkeletip júr.
Shynyn aıtsam, biz josparlap bala týý degenge mán bergen joqpyz. Jaratýshy qansha bala beredi, sonyń bárin qýana qabyl aldyq. Sol sebepti búginde úlken otbasyǵa aınalyp otyrmyz. Bastysy bala-shaǵamyz teńdeı boldy. 7 ul, 7 qyz, deıdi Elena.
Batyr anany bosandyryp alǵan Almaty qalalyq perınataldyq ortalyǵy dárigerleriniń aıtýynsha, sábıdiń boıy 55 santımetr, al salmaǵy 4 keliden asady. Qazir ananyń da, balanyń da densaýlyǵy birqalypty.
"Joǵarǵy toptaǵy qaýip-qaterdegi qan ketý bolǵandyqtan, búkil ujym bolyp atsalysyp, on tórtinshi balasyn aman-esen dúnıege alyp keldik. Qazir bári jaqsy", dedi bas dárigerdiń orynbasary Jámılıa Isaeva.
Kópbalaly ana balalarynyń aldy úılenip, áke atanýǵa daıyndalyp júrgenin de jasyrmady. Bastysy denniń saýlyǵy degen ol eldiń tynyshtyǵy men balalarynyń amandyǵyna tilekshi.
