"Amanat" پارتياسىنان سايلانعان ءماجىلىس دەپۋتاتى امانجان جامالوۆ ۇلتتىق بانك توراعاسى عالىمجان پىرماتوۆقا سوڭعى وزگەرىستەرگە قاتىستى ساۋال جولدادى، دەپ حابارلايدى “ادىرنا” ۇلتتىق پورتالى.
ساۋالىنىڭ باستى نەگىزى، قازاقستاندىقتاردىڭ دەپوزيتىنە 10% سىياق ى اۋدارۋ - ءتيىمسىز يدەيا، جانە مۇنى جۇزەگە اسىرماي، باس تارتۋ قاجەت دەدى.
ء"بىز بانكتەردە جيناعى بار ازاماتتاردى قولداپ جاتىرمىز، ياعني بيۋدجەت قاراجاتى شىنىمەن مەملەكەت كومەگىن قاجەت ەتەتىن ازاماتتار ساناتىنا باعىتتالمايدى", – دەدى امانجان جامالوۆ.
پرەزيدەنت جاريالاعان ەلدىڭ دامۋ باعىتىنا ارنالعان قادامدارعا بۇل ءىس قايشى كەلەتىنىن اتاپ ءوتتى.
"سونىمەن قاتار سىياقىنى الۋ ءۇشىن دەپوزيتتى كەمىندە 12 اي بويى ساقتاۋ مىندەتتى شارت ەكەنىن، سونداي-اق دوللار باعامى 15%-تەن استام وسكەنىن جانە اعىمداعى قۇبىلمالىلىقتى ەسكەرسەك، ۇسىنىلىپ وتىرعان ء"بىر رەتتىك" شارا ازاماتتاردىڭ شەتەل ۆاليۋتاسىن ساتىپ الۋىن توقتاتا المايدى", – دەپ اتاپ ءوتتى امانجان جامالوۆ.
“ادىرنا” ۇلتتىق پورتالى
