الماتى وبلىسىنىڭ بىرقاتار اۋداندارىندا داقىلدار تۇقىمىن جاقسارتۋعا ءمان بەرىلمەيدى. كوكتەمگى دالا جۇمىستارى باستالاتىن ۋاقىت جاقىنداعانىمەن مينەرالدى تىڭايتقىشتارعا ءتيىستى ءوتىنىم بەرىلمەگەن. جانار-جاعارماي قورىن جيناقتاۋ جۇمىسى ناشار. وسى جانە باسقا دا كەمشىلىكتەر بۇگىن وبلىس اكىمى قانات بوزىمباەۆتىڭ توراعالىعىمەن وتكەن جيىندا كەڭىنەن تالقىلاندى، دەپ حابارلايدى وبلىستىق ءباسپاسوز قىزمەتى.
بيىل وڭىردەگى اۋىل شارۋاشىلىعى داقىلدارىنىڭ ەگىس كولەمى 1297 گەكتارعا كوبەيىپ، جالپى 974 مىڭ گەكتارعا سەبىلەدى، ونىڭ ىشىندە ءداندى داقىلدار – 484 مىڭ جانە مايلى داقىلدار – 132 مىڭ گەكتار. قاجەتتى 202 مىڭ توننا تۇقىم تولىعىمەن دايارلاندى. دەگەنمەن اۋدانداردا تۇقىمداردىڭ سورتىن جاڭارتۋعا اسا ءمان بەرىلمەي كەلەدى، اقسۋ، بالقاش، جامبىل اۋداندارى مەن تالدىقورعان قالاسىنان تۇقىم شارۋاشىلىقتارىنان جوعارى رەپرودۋكتسيالى تۇقىم الىنباعان. جالپى وبلىستاعى قۇيىلعان بارلىق تۇقىمنىڭ 10 مىڭ تونناسى عانا - اتتەستتالعان سۋبەكتىلەردىڭ ءونىمى.
- جالپى وبلىس جانە الماتى قالاسى تۇرعىندارى قاجەتتىلىگىن قامتۋعا ماۋسىم ارالىعىنا 280 مىڭ توننا كارتوپ كەرەك، ال وبلىستاعى 53 قويمانىڭ سىيىمدىلىعى 52,4 مىڭ توننا نەمەسە 37% عانا جابادى. الماتى اگلومەراتسياسىن دامىتۋعا ءتيىستى ەڭبەكشىقازاق، جامبىل اۋداندارى مەن قاپشاعاي قالاسىندا ءبىر قويمادان عانا بار، ياعني زاماناۋي قويمالاردى سالۋعا ينۆەستورلار تارتۋدى جانداندىرۋمىز قاجەت، - دەدى ءا.جاقانباەۆ.
بۇگىنگە دەيىن مينەرالدى تىڭايتقىش ساتىپ الۋعا رايىمبەك، بالقاش اۋداندارى ءوتىنىم بەرمەگەن، ال جامبىل، كوكسۋ، ۇيعىر، ەسكەلدى، اقسۋ اۋداندارى مەن تالدىقورعان، تەكەلى قالالارى جوسپارلانعان كولەمنىڭ 6% دەيىن عانا العان. شارۋاشىلىقتاردا جانار-جاعارمايدىڭ قاجەتتى قورىن قالىپتاستىرۋ ناشار جۇرگىزىلۋدە.
وبلىستىق بيۋدجەتتەن 12,5 ملرد. تەڭگە جۇمسالىپ 1331 دانا تەحنيكامەن قامتىلعان 56 سەرۆيستىك-دايىنداۋ ورتالىعىنىڭ بۇگىندە تەك 5-ەۋى عانا ءتيىمدى جۇمىس جاسايدى، ال 12 سدو ءوز مىندەتتەمەلەرىن ورىنداماعاندىقتان ولارمەن اراداعى كەلىسىم-شارت بۇزىلعان. 13 سدو-نىڭ ليزينگتىك تولەمىندە 373 ملن. تەڭگە قارىز بار.
«قازسۋشار» رمك الماتى فيليالىنىڭ ديرەكتورى س. قۇدايبەرگەنوۆتىڭ سوزىنە سۇيەنسەك، وتكەن جىلى جالپى كولەمى 134,4 مىڭ گەكتارعا اۋىل شارۋاشىلىعى تاۋارىن وندىرۋشىلەرمەن 7 866 كەلىسىم-شارت جاسالىپ، 133,1 مىڭ گەكتارعا 1 065 470 م3 كولەمدە سۋ جەتكىزىلگەن. بيىلعى جىلى دا وسى شامادا سۋ بەرۋ جوسپارلانىپ وتىر.
جالپى الماتى وبلىسىنىڭ اۋىل شارۋاشىلىعى سالاسىن دامىتۋعا 47 ملرد. تەڭگە ءبولىندى. ونىڭ ىشىندە مال شارۋاشىلىعىنا – 21 ملرد. تەڭگە، وسىمدىك شارۋاشىلىعىنا – 6,7 ملرد.، ينۆەستيتسيالىق سۋبسيديالاۋعا – 12 ملرد.، سۋ شارۋاشىلىعىنا – 2,5 ملرد. جانە قايتا وندەۋگە – 2 ملرد. تەڭگە، اۋىل حالقىن نەسيەلەندىرۋگە – 3,6 ملرد. تەڭگە قاراستىرىلعان.
