ۋكراينا پرەزيدەنتى ۆلاديمير زەلەنسكي 4 ناۋرىز كۇنى كەشكە ۋكراين حالقىنا ۇندەۋ جاسادى. ول رەسەيمەن سوعىستىڭ 9-شى كۇنى ازاماتتاردىڭ باسقىنشىلارعا قارسى كۇرەسىن جالعاستىرىپ جاتقانىن، اگرەسسوردىڭ شاپقىنشىلىعىنا ۋكرايندىقتار ەرلىكپەن، ىنتىماقپەن، ءوزارا كومەكپەن جاۋاپ بەرگەنىن باسا ايتتى، دەپ حابارلايدى "ادىرنا" ۇلتتىق پورتالى.
ۇندەۋ پرەزيدەنت كەڭسەسىنىڭ Facebook-تەگى پاراقشاسىندا جاريالاندى. زەلەنسكي ۋكرايناداعى حالىق ءبىرتۇتاس، سوندىقتان ءبىز ءوز جەرىمىزدى جاۋلاردان ازات ەتە الامىز دەدى.
ء"بىز توعىز كۇن قاراڭعىلىققا، توعىز كۇن زۇلىمدىققا توتەپ بەردىك. بۇل كۇتكەن قاراڭعىلىق پەن زۇلىمدىقتان ءۇش ەسە كوپ", – دەدى پرەزيدەنت.
مەملەكەت باسشىسى ۋكرايندىقتاردىڭ رەسەيلىك باسقىنشىلارعا بەرگەن تويتارىسىن ەۋروپا ماڭگى ەستە ساقتايتىنىن، حاركوۆ، چەرنيگوۆ، سۋمى، ۆولنوۆاحا، ماريۋپول، نيكولاەۆ جانە باسقا دا ەلدى مەكەندەر بۇكىل قۇرلىققا بەلگىلى بولاتىنىن اتاپ ءوتتى.
"ادىرنا" ۇلتتىق پورتالى
