Ýkraına prezıdenti Vladımır Zelenskıı 4 naýryz kúni keshke ýkraın halqyna úndeý jasady. Ol Reseımen soǵystyń 9-shy kúni azamattardyń basqynshylarǵa qarsy kúresin jalǵastyryp jatqanyn, agressordyń shapqynshylyǵyna ýkraındyqtar erlikpen, yntymaqpen, ózara kómekpen jaýap bergenin basa aıtty, dep habarlaıdy "Adyrna" ulttyq portaly.
Úndeý Prezıdent keńsesiniń Facebook-tegi paraqshasynda jarııalandy. Zelenskıı Ýkraınadaǵy halyq birtutas, sondyqtan biz óz jerimizdi jaýlardan azat ete alamyz dedi.
"Biz toǵyz kún qarańǵylyqqa, toǵyz kún zulymdyqqa tótep berdik. Bul kútken qarańǵylyq pen zulymdyqtan úsh ese kóp", – dedi prezıdent.
Memleket basshysy ýkraındyqtardyń reseılik basqynshylarǵa bergen toıtarysyn Eýropa máńgi este saqtaıtynyn, Harkov, Chernıgov, Sýmy, Volnovaha, Marıýpol, Nıkolaev jáne basqa da eldi mekender búkil qurlyqqa belgili bolatynyn atap ótti.
"Adyrna" ulttyq portaly
