كونستيتۋتسيامىزدىڭ قازاق تىلىندە جازىلعان نۇسقاسى كوپتىڭ كوڭىلىنەن شىقپايدى. كەيبىر ءسوز، سويلەمدەرى تۇسىنىكسىز ەكەنىن العا تارتادى. وسى ماسەلە بويىنشا جۋرناليستەر ادىلەت ءمينيسترى قانات مۋسيننان جاۋاپ الدى، دەپ حابارلايدى “ادىرنا” ۇلتتىق پورتالى.
"اركىم ءوزىنىڭ ءبىلىمى دەڭگەيىندە پىكىرىن ايتادى. قازىر زاڭنىڭ قازاق تىلىندەگى نۇسقاسىنا قاتىستى ماسەلە تۇرعان جوق", – دەدى مۋسين.
"قازاق تىلىندەگى نۇسقاسى كوڭىلىڭىزدەن شىعا ما؟", – دەپ سۇرادى جۋرناليستەر.
"قازاق تىلىندەگى نۇسقاسى ورىس تىلىنە ساي كەلەدى", – دەدى مۋسين.
"ال نەگە ول ورىس تىلىنە ساي كەلۋى كەرەك؟", – دەپ سۇرادى تىلشىلەر.
"زاڭنىڭ ەكى تىلدەگى نۇسقاسى ءبىر ماعىنا بەرۋى كەرەك", – دەپ جاۋاپ بەردى مينيستر.
”ادىرنا” ۇلتتىق پورتالى
