Konstıtýııamyzdyń qazaq tilinde jazylǵan nusqasy kóptiń kóńilinen shyqpaıdy. Keıbir sóz, sóılemderi túsiniksiz ekenin alǵa tartady. Osy másele boıynsha jýrnalıster Ádilet mınıstri Qanat Mýsınnan jaýap aldy, dep habarlaıdy “Adyrna” ulttyq portaly.
"Árkim óziniń bilimi deńgeıinde pikirin aıtady. Qazir zańnyń qazaq tilindegi nusqasyna qatysty másele turǵan joq", – dedi Mýsın.
"Qazaq tilindegi nusqasy kóńilińizden shyǵa ma?", – dep surady jýrnalıster.
"Qazaq tilindegi nusqasy orys tiline saı keledi", – dedi Mýsın.
"Al nege ol orys tiline saı kelýi kerek?", – dep surady tilshiler.
"Zańnyń eki tildegi nusqasy bir maǵyna berýi kerek", – dep jaýap berdi mınıstr.
”Adyrna” ulttyq portaly
