Visa, MasterCard, Western Union, MoneyGram, Payoneer, Wire, Transfer, Pay send رەسەيدەن كەتتى. بۇل تۋرالى monobank-ءتىڭ نەگىزىن قالاۋشىلاردىڭ ءبىرى ولەگ گوروحوۆسكي ءوزىنىڭ Telegram كانالىندا حابارلادى، دەپ جازادى "ادىرنا" ۇلتتىق پورتالى.
"بولدى! دۇكەنشىك جابىلدى! كومەك بەرەتىن ەشكىم جوق. ەندى بۇل اۋماققا اقشانى كوگەرشىندەر عانا جەتكىزە الادى. وي، ۇمىتىپ كەتتىم، ەۋروپالىق ورتالىق بانك ولارعا ەۋرو بانكنوتتارىن، ال فرج – دوللارلاردى جەتكىزۋگە تىيىم سالدى. دەمەك، بىزگە قىتايلىق جۇك تاسىمالداۋشى كوگەرشىندەردىڭ ارنايى تۇقىمى قاجەت", - دەپ نالىدى ول.
گوروحوۆسكي پۋتين مەن ونىڭ رەجيمىنىڭ ۋكرايناعا قارسى سوعىس اشۋ ارقىلى نەبارى ەكى اپتانىڭ ىشىندە رەسەيدىڭ قارجى-قاراجات جۇيەسىن جويىپ ۇلگەرگەنىن قوستى.
"مۇنى رەسەي فەدەراتسياسىنىڭ ورتالىق بانكىنىڭ باسشىسى ەلۆيرا نابيۋللينانىڭ بىرنەشە رەت وتستاۆكاعا كەتۋ تۋرالى ارىز جازعانى، بىراق ونىڭ كەتۋىنە رۇقسات ەتىلمەگەندىگى دالەلدەپ وتىر", - دەدى گوروحوۆسكي.
"ادىرنا" ۇلتتىق پورتالى
