اقش مەملەكەتتىك حاتشىسىنىڭ ورىنباسارى ۆەندي شەرمان كرەمل ۋكرايناعا قارسى سوعىستى توقتاتۋ تۋرالى كەلىسسوزدەر جۇرگىزۋگە دايىن ەكەنىن ايتتى، دەپ جازادى "ادىرنا" ۇلتتىق پورتالى.
شەرماننىڭ ايتۋىنشا، كرەمل الدىن الا ۋلتيماتۋمسىز ماڭىزدى شارالار قابىلداۋعا دايىن ەكەنىن كورسەتۋدە. الايدا مەملەكەتتىك دەپارتامەنتتىڭ وكىلى ءپۋتيننىڭ ۋكراينانى جويۋ جوسپارلارىن ءالى قالدىرمايتىنىن اتاپ ءوتتى.
شەرمان سونداي-اق رەسەي فەدەراتسياسىنا كورسەتىلگەن حالىقارالىق قىسىم العاشقى ناتيجەلەرىن بەرە باستاعانىن اتاپ ءوتتى. ديپلومات پۋتين نەبارى 2 اپتانىڭ ىشىندە رەسەي فەدەراتسياسىنىڭ 30 جىلدىق دامۋىن جويىپ جىبەرگەنىن باسا ايتتى.
"بايدەن اكىمشىلىگى جۇمىس ىستەي باستاعاننان بەرى ءبىز ۋكراينانى وسى قورقىنىشتى سوعىستان قورعاۋعا كومەكتەسۋ ءۇشىن 1,2 ميلليارد دوللار كولەمىندە كومەك بولدىك. ءبىزدىڭ ماقساتىمىز – وسى سوعىستى توقتاتىپ، گۋمانيتارلىق دالىزدەردى الۋ ءۇشىن ۆلاديمير پۋتينگە ۇلكەن قىسىم جاساۋ، ونىڭ ەسەپتەرىن وزگەرتۋ", - دەدى شەرمان.
"ادىرنا" ۇلتتىق پورتالى
