مەملەكەت باسشىسى قاسىم-جومارت توقاەۆ جولداۋىندا سەمەي ايماعىندا اباي وبلىسىن قۇرۋدى ۇسىندى، دەپ حابارلايدى “ادىرنا” ۇلتتىق پورتالى.
«سەمەي ايماعىندا اباي وبلىسىن قۇرۋدى ۇسىنامىن. سەمەي قالاسى جاڭا وبلىستىڭ ورتالىعى بولادى. وسى ماسەلەنى ايماق تۇرعىندارى كوپتەن بەرى ايتىپ جۇرگەنىن بىلەمىن. قازىر ول جاقتا شەشىمىن تاپپاعان تۇيتكىلدەر از ەمەس. مىسالى، ايماقتىڭ ىشكى ينفراقۇرىلىمى ابدەن توزعان»،- دەدى پرەزيدەنت
سونداي-اق، اباي وبلىسىن قۇرىلىپ،ونىڭ ورتالىعى سەمەي، ۇلىتاۋ وبلىسى قۇرىلىپ، ورتالىعى جەزقازعان بولاتىنىن ايتتى.
بۇدان بولەك، الماتى وبلىسى دا ەكىگە بولىنەدى. ولار الماتى جانە جەتىسۋ وبلىستارى. جولداۋ بويىنشا، الماتى وبلىسىنىڭ ورتالىعى قاپشاعاي، جەتىسۋ وبلىسىنىڭ ورتالىعى تالدىقورعان بولادى.
“ادىرنا” ۇلتتىق پورتالى
