رەسەيلىكتەر دۇكەن سورەلەرىندە تاۋار تاپشىلىعىنىڭ ورىن الۋىنان قورقىپ، جەكە زاتتارىن قانت پەن قاراقۇمىققا الماستىرا باستادى. بۇل اقپاراتتى Medialeaks جاريالادى، دەپ جازادى "ادىرنا" ۇلتتىق پورتالى.
جاريالانعان اقپاراتقا سايكەس، جەلى قولدانۋشىلارى Avito پلاتفورماسىندا حابارلاندىرۋلاردى جاپپاي جاريالاي باستادى، وندا ولار ساتىپ الۋشىلارمەن كيىم، اياق كيىم، تۇرمىستىق تەحنيكا، ءتىپتى جيھازدى ءارتۇرلى ازىق-تۇلىك ونىمدەرىنە ايىرباستاۋعا كەلىسىم جاساۋعا تىرىسۋدا. قازىرگى ۋاقىتتا سۋپەرماركەتتەردە بەلگىلى ءبىر تاۋارلاردى ءبىر قولعا ساتىپ الۋدا شەكتەۋ ەنگىزىلگەنى بەلگىلى.
ماسەلەن، سوچي تۇرعىنى كەز-كەلگەن ادامعا بەس كەلى قانت ءۇشىن Sonata Collection برەندىنىڭ جۇننەن تىگىلگەن پالتوسىن جىبەرۋگە دايىن. بۇل رەتتە ماسكەۋلىك ولگا Avito قولدانۋشىلارىنا ەكى كەلى قاراقۇمىق ءۇشىن Respect برەندىنىڭ بىلعارى اياق كيىمىن ايىرباستاۋدى ۇسىندى. ونىڭ ايتۋىنشا، ول بۇل اياق كيىمدى التى مىڭ رۋبلگە ساتىپ العان.
جوعارىدا اتالعان ۇسىنىستاردان باسقا، رەسەيلىكتەر وزدەرىنىڭ جيھازدارىن، ءارتۇرلى دەكور بۇيىمدارىن، Samsung سياقتى شەتەلدىك وندىرۋشىلەردىڭ تۇرمىستىق تەحنيكاسىن، سونىمەن قاتار ىدىس-اياق پەن ساعاتتارىن ازىق-تۇلىككە ايىرباستاۋعا تىرىسۋدا.
"ادىرنا" ۇلتتىق پورتالى
