سوڭعى ۋاقىتتا كەيبىر ينفەكتسيالىق اۋرۋلاردىڭ ءبىردى-ەكىلى عانا تىركەلۋى حالىقتى ۆاكتسينادان باس تارتۋعا الىپ كەلۋدە. بۇل جونىندە قر دسم قوعامدىق دەنساۋلىق ساقتاۋ كوميتەتى ەپيدەميولوگيالىق قاداعالاۋ باسقارماسىنىڭ باسشىسى روزا قوجاپوۆا مالىمدەدى. «يممۋنداۋدىڭ ارقاسىندا ينفەكتسيالىق اۋرۋلاردى جانە ولاردان بولاتىن ءولىم-ءجىتىمدى تومەندەتۋ ءۇشىن كوپ جۇمىس جاسالدى. سوڭعى 20 جىلدا حالىق اراسىندا قىزامىقپەن سىرقاتتانۋ جاعدايى 4 مىڭ ەسەگە، ەپيدەميالىق پاراتيت 106 ەسەگە، «ۆ» ۆيرۋستىق گەپاتيت 38 ەسەگە، سونىڭ ىشىندە، بالالار اراسىندا 317 ەسەگە تومەندەۋى بايقالادى. سونىمەن قاتار، كوكجوتەلمەن سىرقاتتانۋ جاعدايى تۇراقتى تومەن دەڭگەيدە ۇستالىپ تۇرسا، ديفتەريا جانە سىرەسپەمەن ناۋقاستانۋدىڭ ءبىردى-ەكىلى جاعدايلارى كەزدەسەدى. وكىنىشكە قاراي، سوڭعى ۋاقىتتا اتالعان ينفەكتسيالارعا شالدىعۋ جاعدايلارى جوققا جۋىق تومەندەۋىنە بايلانىستى حالىق ۆاكتسينالاۋ قاجەتتىلىگىنە كۇماندانىپ، ۆاكتسينالاۋدان باس تارتىپ جاتىر. مۇنداي باس تارتۋ بۇگىنگى كۇنى 13 مىڭنان استى. ءبىزدىڭ رەسپۋبليكامىز ءۇشىن بۇل ايتارلىقتاي اۋقىمدى كورسەتكىش دەپ سانايمىز»، - دەدى قوجاپوۆا.
الايدا، ونىڭ ايتۋىنشا، ۆاكتسينالاۋدان باس تارتۋ بۇگىندە تەك قازاقستاننىڭ ەمەس، بۇكىل الەمنىڭ الدىندا تۇرعان وزەكتى ماسەلە بولىپ وتىر.
«2018 جىلدىڭ باسىنان بەرى قىزىلشا سىرقاتتانۋدىڭ ءبىر جاعدايى تىركەلدى. الايدا، ازىرگە ول جاعداي ناقتى راستالعان جوق. سول سياقتى، كوكجوتەلمەن اۋرۋدىڭ ءبىر جاعدايى تىركەلدى. وكىنىشكە قاراي، اعىمداعى جىلى سىرەسپەدەن ءبىر ادام قايتىس بولدى. كەيىن انىقتالعانداي، ول سىرەسپەدەن ۆاتسينا الماعان. بۇل دەرتكە قارسى ۆاكتسينا ءار ون جىل سايىن ەرەسەكتەرگە سالىنادى»، - دەدى باسقارما باسشىسى.
________________________________________________________________________________________________________________
Baq.kz
