رەسەيدىڭ بيزنەس جانە ساياسي ەليتاسىنىڭ ورتاسىندا پرەزيدەنت ۆلاديمير پۋتينگە قارسى وپپوزيتسيالىق ىقپالدى ادامدار توبى قۇرىلدى، ولار ونى ءولتىرۋدى جوسپارلاپ وتىر، دەپ حابارلادى رف قورعانىس مينيسترلىگىنىڭ باس بارلاۋ باسقارماسى. بۇل تۋرالى "ادىرنا" ۇلتتىق پورتالى جازادى.
مينيسترلىكتىڭ مالىمدەۋىنشە، اتالمىش توپتىڭ الدىنا قويعان نەگىزگى ماقساتى - ءپۋتيندى تەز ارادا بيلىكتەن كەتىرۋ جانە ۋكرايناداعى سوعىس سالدارىنان جويىلعان باتىسپەن ەكونوميكالىق بايلانىستاردى قالپىنا كەلتىرۋ.
"رەسەي فەدەراتسياسىنىڭ رەسەيلىك ساياسي ەليتاسىنىڭ بەلگىلى ءبىر بولىگى ءپۋتيننىڭ مۇراگەرى رەتىندە - رەسەي ففقق ديرەكتورى الەكساندر بورتنيكوۆتى قاراستىرىپ وتىر. جاقىندا بورتنيكوۆ ورىس ديكتاتورى تاراپىنان قۋعىنعا ۇشىرادى. ففقق باسشىسىنىڭ قۋعىنعا ۇشىراۋىنىڭ رەسمي سەبەبى - ۋكرايناعا قارسى سوعىستاعى ەسەپتەن جاڭىلىس سالدارىنان ورىن العان قاتەلىكتەر، - دەلىنگەن حابارلامادا.
ءدال بورتنيكوۆ پەن ونىڭ اگەنتتىگى حالىقتىڭ كوڭىل-كۇيىنە جانە ۋكراين ارمياسىنىڭ قابىلەتىن تالداۋعا جاۋاپتى بولدى.
بورتنيكوۆ جانە رەسەي ەليتاسىنىڭ باسقا دا ىقپالدى وكىلدەرى ءپۋتيندى بيلىكتەن شىعارۋدىڭ ءارتۇرلى نۇسقالارىن قاراستىرىپ جۇرگەنى بەلگىلى بولدى. اتاپ ايتقاندا، ۋلاندىرۋ، كەنەتتەن اۋرۋعا شالدىعۋ نەمەسە باسقا دا "كەزدەيسوقتىق" جوققا شىعارىلمايدى.
"ادىرنا" ۇلتتىق پورتالى
