قازاقستاننىڭ تۇڭعىش پرەزيدەنتى نۇرسۇلتان نازارباەۆ قازاقستان حالقىن ناۋرىز مەيرامىمەن قۇتتىقتاپ، باقىت، دەنساۋلىق جانە باق-بەرەكە تىلەدى، - دەپ حابارلايدى "ادىرنا" ءتىلشىسى Elbasy.kz سايتىنا سىلتەمە جاساپ.
نۇرسۇلتان نازارباەۆ بىزگە سوناۋ ىقىلىم زاماننان كەلە جاتقان قاستەرلى مەرەكەلەردىڭ ءبىرى – ناۋرىز – ەلىمىزدىڭ دوستىعىنىڭ، بىرلىگى مەن تۇراقتىلىعىنىڭ سيمۆولى ەكەنىن اتاپ ءوتتى.
"قازاق حالقىنىڭ ۇلى مادەنيەتى مەن باي سالت-داستۇرىنەن باستاۋ العان مەرەكە ىزگىلىك پەن ىنتىماق، تاتۋلىق پەن سىيلاستىق سىندى ماڭگىلىك قۇندىلىقتاردىڭ جارشىسى سانالادى.
بۇگىنگى تاڭدا الەمنىڭ ءار تۇكپىرىندە بولىپ جاتقان وقيعالار بۇل مەيرامنىڭ ماڭىزدىلىعىن ودان ءارى ارتتىرا تۇسكەنى ءسوزسىز. ول بىزگە قوعامداعى كەلىسىمنىڭ، كوپۇلتتى ەلىمىزدەگى تىنىشتىق پەن مامىراجاي ءومىردىڭ قادىرىن تۇسىنۋگە كومەكتەسەدى.
تىرشىلىكتى تۇلەتكەن كوكتەم مەرەكەسى جانىمىزدى جادىراتىپ، وتانىمىزدىڭ يگىلىگى جولىندا جاڭا جەتىستىكتەرگە جەتۋ ءۇشىن بويىمىزعا كۇش-قۋات پەن سارقىلماس جىگەر بەرەدى.
ۇلىستىڭ ۇلى كۇنىندە بارشاڭىزعا مىقتى دەنساۋلىق، باق-بەرەكە تىلەيمىن! ءاز-ناۋرىز شاڭىراقتارىڭىزعا ىرىس پەن مولشىلىق اكەلسىن" دەدى ەلباسى.
"ادىرنا" ۇلتتىق پورتالى
