قوعامدا سىبايلاس جەمقورلىققا قارسى توزبەستىك احۋالىنىڭ قالىپتاسۋىنىڭ، ازاماتتاردىڭ سىبايلاس جەمقورلىققا قارسى مادەنيەتىنىڭ جوعارىلاۋىنىڭ مۇمكىندىگىن ارتتىراتىن فاكتورلاردىڭ ءبىرى - حالىقتىڭ قۇقىقتىق ساۋاتتىلىعىنىڭ ارتۋى.
“ادىلدىك جولى” رەسپۋبليكالىق قوعامدىق بىرلەستىگى قىزمەتىنىڭ باسىم باعىتتارىنىڭ ءبىرى - ازاماتتاردىڭ قۇقىعىن قورعاۋ جانە قولجەتىمدى قۇقىقتىق كومەكپەن قامتاماسىز ەتۋ. بىرلەستىك رەسپۋبليكالىق زاڭ كونسۋلتانتتارى پالاتاسىمەن ءوزارا ىنتىماقتاستىق مەموراندۋمىنا قول قويۋ ارقىلى وسى قىزمەتتى بەلسەندى جۇزەگە اسىرىپ كەلەدى.
بىرلەستىكتىڭ بارلىق وڭىردەگى فيليالدارى اپتا سايىن ازاماتتاردى قابىلداۋ جۇرگىزە وتىرىپ، حالىقتى تولعاندىرعان تالاي الەۋمەتتىك ماسەلەلەرىنىڭ وڭتايلى شەشىمىن تابۋعا كومەك كورسەتۋدە. جانە ەڭ باستىسى بارلىق قىزمەت، كەڭەستەر تەگىن جۇزەگە اسىرىلاتىنىن ەسكەرۋ قاجەت.
“ادىلدىك جولى” رەسپۋبليكالىق قوعامدىق بىرلەستىگىنىڭ شىمكەنت قالاسىنداعى فيليالى شىمكەنت قالالىق زاڭ كونسۋلتانتتارى پالاتاسىمەن بىرلەسە وتىرىپ قالا حالقىنا تەگىن زاڭ كەڭەستەرىن بەرۋ ماسەلەسىمەن تۇراقتى تۇردە اينالىسىپ كەلەدى. سونىمەن قاتار، ەگەر الەۋمەتتىك وسال توپقا جاتاتىن ازامات بولسا (كوپ بالالى انالار، جالعىزباستى اتا-انالار، مۇگەدەكتەر جانە ت.ب.) تەگىن كەشەندى زاڭگەر كومەگىن الۋعا مۇمكىندىگى بار.
وسى رەتتە شالعاي اۋىلداعى اعايىننىڭ دا جاعدايى نازاردان تىس قالمادى. تىكەلەي زاڭگەر كومەگى قولجەتىمسىز ايماقتاردا جانە جالپى كەز-كەلگەن ازاماتتىڭ قالاۋى بويىنشا ونلاين تۇردە تەگىن زاڭگەرلىك كەڭەس الۋىنا مۇمكىندىك جاسالدى. ول ءۇشىن ۇيالى تەلەفونعا “Lawcenter” قوسىمشاسىن جۇكتەپ الۋ جەتكىلىكتى. كەز-كەلگەن سمارتفونعا جۇكتەۋ مۇمكىندىگى قاراستىرىلعان بۇل قوسىمشا ارقىلى وزەكتى سۇراقتارى بويىنشا كەز-كەلگەن ادام رەسپۋبليكانىڭ بىلىكتى زاڭگەرلەرىنەن تەگىن قۇقىقتىق كەڭەس الا الادى.
قازىرگى تاڭدا جۇزدەگەن ادام ۇيدەن شىقپاي-اق، “قالتاداعى زاڭگەر” اتالىپ كەتكەن “Lawcenter” قوسىمشاسى ارقىلى ساپالى زاڭگەرلىك كەڭەسكە قول جەتكىزىپ وتىر. "زاڭدى بىلمەۋ جاۋاپكەرشىلىكتەن بوساتپايتىنىن" ەسكەرسەك، بۇل جاعىمدى جاڭالىقتىڭ جۇرتىمىز ءۇشىن ماڭىزى زور.
ايجان كەسەباەۆا “ادىلدىك جولى” رقب شىمكەنت قالاسىنداعى فيليالىنىڭ باسشىسى
