مەملەكەت باسشىسىنىڭ «جاڭا قازاقستان: جاڭارۋ مەن جاڭعىرۋ جولى» اتتى حالىققا جولداۋىندا ايتىلعان ازاماتتىق قوعام ينستيتۋتتارىن جاڭا فورماتتا دامىتۋدىڭ مەحانيزمدەرىن تالقىلاۋ ءۇشىن رەسپۋبليكا كولەمىندە ءبىرىنشى بولىپ قازاقستاننىڭ ازاماتتىق اليانسىنىڭ سەمينارى سىر وڭىرىندە ۇيىمداستىرىلدى، دەپ جازادى "ادىرنا" ۇلتتىق پورتالى.
شارانىڭ نەگىزگى ماقساتى – جاڭا باعىتتاردى ايقىنداۋ، ۇكىمەتتىك ەمەس ۇيىمدارمەن جۇمىس جاساۋ بويىنشا باسقا وڭىرلەرمەن تاجىريبە الماسۋ.
سەمينار جۇمىسىنا قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا، نۇر-سۇلتان قالاسىنىڭ، قوستاناي، اقتوبە، ماڭعىستاۋ، تۇركىستان جانە باسقا دا وبلىستاردىڭ ازاماتتىق اليانس كوشباسشىلارى، وڭىردەگى بەلسەندى ۇكىمەتتىك ەمەس ۇيىمدار مەن باق وكىلدەرى قاتىستى.
شاراعا قاتىسقان وبلىس اكىمىنىڭ ورىنباسارى قايرات نۇرتاي ءوز سوزىندە ەلىمىزدەگى ازاماتتىق قوعام نەگىزدەرىن دامىتۋدا قازاقستاننىڭ ازاماتتىق اليانسىنىڭ ۇلەسى زور ەكەنىن جەتكىزدى.
شارا بارىسىندا رەسپۋبليكانىڭ ءار وڭىرىنەن كەلگەن سپيكەرلەر ازاماتتىق سەكتوردى دامىتۋدىڭ جاڭا ءادىس-تاسىلدەرىن ۇسىنىپ، ءوز ويلارىن ورتاعا سالدى.
سونىمەن قاتار، ۇكىمەتتىك ەمەس ۇيىمدار سالاسىنداعى وزەكتى تاقىرىپتار: ازاماتتىق ورتالىق جۇمىسىن ۇيىمداستىرۋ ستراتەگياسى، ۇكىمەتتىك ەمەس ۇيىمداردىڭ الەۋەتىن ارتتىرۋداعى ازاماتتىق ورتالىقتاردىڭ ءرولى، اۋىلدىق ۇكىمەتتىك ەمەس ۇيىمدارعا قولداۋ كورسەتۋدى ۇيىمداستىرۋ، مەملەكەتتىك ورگاندارمەن بايلانىستى نىعايتۋ، مەملەكەتتىك الەۋمەتتىك تاپسىرىستى قالىپتاستىرۋ، ونىڭ مونيتورينگىن جانە باعالاۋ تەتىگىن جەتىلدىرۋ ماسەلەلەرى قارالادى.
"ادىرنا" ۇلتتىق پورتالى
