Qazkom بانكى مەملەكەتتىك تىلدە قىزمەت كورسەتۋ بويىنشا قوعام ىشىندە ۇلكەن داۋ تۋدىرعان ماسەلەگە بايلانىستى ۆيدەوۇندەۋ جاريالادى
استانا، 26 ءساۋىر — Sputnik. Qazkom بانكى وعىز دوعانعا قازاق تىلىندە قىزمەت كورسەتۋدەن باس تارتقان قىزمەتكەرلەرى ءۇشىن كەشىرىم سۇرادى، دەپ حابارلايدى Sputnik قازاقستان.
قوعامدا رەزونانس تۋدىرعان وقيعا كەشە استاناداعى "سارىارقا" بانك بولىمشەسىندە بولعان ەدى. فيليال قىزمەتكەرلەرى بانككە كليەنت رەتىندە كەلگەن وعىز دوعانعا مەملەكەتتىك تىلدە قىزمەت كورسەتۋدەن باس تارتقان. وعىز دوعان ورىس ءتىلىن تۇسىنبەيتىنىن بىرنەشە مارتە ايتسا دا، بانك قىزمەتكەرلەرى كليەنتتىڭ ءسوزىن ەلەمەگەن. بۇگىن بانك باسشىلىعى كەشەلى بەرى الەۋمەتتىك جەلىدە شۋ تۋعىزعان وقيعاعا بايلانىستى مالىمدەمە جاسادى.
sputniknews.kz
"بانك كەشەگى وقيعا ءۇشىن بارلىق قاتىسۋشىلار مەن كۋاگەردەن كەشىرىم سۇرايدى.ءتىل تۋرالى زاڭعا سايكەس، بانك ءوز قىزمەتىن مەملەكەتتىك تىلدە، ياعني قازاق تىلىندە جانە رەسمي ستاتۋسى بار ورىس تىلىندە كورسەتەدى. كليەنتتەردىڭ سۇرانىسى بويىنشا جانە قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى بويىنشا بانك ءۇش تىلدە قىزمەت كورسەتۋگە دايىن", — دەلىنگەن بانكتىڭ مالىمدەمەسىندە.
حابارلاماداعى اقپاراتقا سۇيەنسەك، "كازكوممەرتسبانكتىڭ" بارلىق بولىمشەسىندە قازاق ءتىلىن جەتىك بىلەتىن ماماندار بار. كليەنتتەرگە قىزمەت كورسەتەتىن بارلىق مەنەدجەرلەر مەملەكەتتىك ءتىلدى مەڭگەرگەن. قارجى مەكەمەسى كليەنتتىڭ تالابىن ورىنداماي، ورىس تىلىندە عانا سويلەگەن بانك قىزمەتكەرلەرىنىڭ ارەكەتىن اقتامايتىنىن مالىمدەدى. "استاناداعى "سارى-ارقا" فيليالىنىڭ قىزمەتكەرلەرى اراسىندا دا قازاق ءتىلىن جوعارى دەڭگەيدە بىلەتىن مەنەدجەرلەر بار. بۇل جاعدايدا دا بىز كليەنتكە قاجەتتى بانك قىزمەتىن قازاق تىلىندە ۇسىنا الار ەدىك، وكىنىشكە قاراي، تۇسىنبەۋشىلىك سالدارىنان بولىمشە قىزمەتكەرلەرى ەموتسياعا بەرىلىپ، كليەنتكە قىزمەتتى دۇرىس كورسەتپەدى. قىزمەتكەرلەرىمىزدىڭ بۇل ءىس-ارەكەتىن ءبىز اقتامايمىز. الايدا بۇل وقيعانى بەينەتاسپاعا تۇسىرۋگە بايلانىستى سترەستىك جاعداي تۋعىزعانىن اتاپ وتكىمىز كەلەدى. بولاشاقتا مۇنداي وقيعا قايتالانباس ءۇشىن ءبىز ءوز قىزمەتكەرلەرىمىزگە ءتيىستى وقىتۋ ترەنينگتەرىن وتكىزەمىز", — دەپ ۋادە بەردى بانك باسشىلىعى.
