Qazkom bankı memlekettık tılde qyzmet körsetu boiynşa qoǧam ışınde ülken dau tudyrǧan mäselege bailanysty videoündeu jariialady
ASTANA, 26 säuır — Sputnik. Qazkom bankı Oǧyz Doǧanǧa qazaq tılınde qyzmet körsetuden bas tartqan qyzmetkerlerı üşın keşırım sūrady, dep habarlaidy Sputnik Qazaqstan.
Qoǧamda rezonans tudyrǧan oqiǧa keşe Astanadaǧy "Saryarqa" bank bölımşesınde bolǧan edı. Filial qyzmetkerlerı bankke klient retınde kelgen Oǧyz Doǧanǧa memlekettık tılde qyzmet körsetuden bas tartqan. Oǧyz Doǧan orys tılın tüsınbeitının bırneşe märte aitsa da, bank qyzmetkerlerı klienttıŋ sözın elemegen. Bügın bank basşylyǧy keşelı berı äleumettık jelıde şu tuǧyzǧan oqiǧaǧa bailanysty mälımdeme jasady.
sputniknews.kz
"Bank keşegı oqiǧa üşın barlyq qatysuşylar men kuägerden keşırım sūraidy.Tıl turaly zaŋǧa säikes, bank öz qyzmetın memlekettık tılde, iaǧni qazaq tılınde jäne resmi statusy bar orys tılınde körsetedı. Klientterdıŋ sūranysy boiynşa jäne Qazaqstan Respublikasynda tılderdı damytu men qoldanudyŋ 2011-2020 jyldarǧa arnalǧan memlekettık baǧdarlamasy boiynşa bank üş tılde qyzmet körsetuge daiyn", — delıngen banktıŋ mälımdemesınde.
Habarlamadaǧy aqparatqa süiensek, "Kazkommersbanktıŋ" barlyq bölımşesınde qazaq tılın jetık bıletın mamandar bar. Klientterge qyzmet körsetetın barlyq menedjerler memlekettık tıldı meŋgergen. Qarjy mekemesı klienttıŋ talabyn oryndamai, orys tılınde ǧana söilegen bank qyzmetkerlerınıŋ äreketın aqtamaitynyn mälımdedı. "Astanadaǧy "Sary-Arqa" filialynyŋ qyzmetkerlerı arasynda da qazaq tılın joǧary deŋgeide bıletın menedjerler bar. Būl jaǧdaida da bız klientke qajettı bank qyzmetın qazaq tılınde ūsyna alar edık, ökınışke qarai, tüsınbeuşılık saldarynan bölımşe qyzmetkerlerı emosiiaǧa berılıp, klientke qyzmettı dūrys körsetpedı. Qyzmetkerlerımızdıŋ būl ıs-äreketın bız aqtamaimyz. Alaida būl oqiǧany beinetaspaǧa tüsıruge bailanysty strestık jaǧdai tuǧyzǧanyn atap ötkımız keledı. Bolaşaqta mūndai oqiǧa qaitalanbas üşın bız öz qyzmetkerlerımızge tiıstı oqytu treningterın ötkızemız", — dep uäde berdı bank basşylyǧy.
