«ۋا، نۇر-اتام - قۇدايىم، سىزدەن باسقا جوق قۇداي!» بۇل اقىن بالتابەك نۇرعاليەۆتىڭ «جۇماق-ەستى جاراتقان» ولەڭىنەن ءۇزىندى. سوڭعى كەزدە الەۋمەتتىك جەلىگە پرەزيدەنت پەن ونىڭ وتباسىنا قاتىستى وتتى ولەڭ جولدارىن ءجيى جاريالايتىن اقىن قوعامدا قىزۋ تالقىعا ءتۇسىپ جاتىر. بالتابەك نۇرعاليەۆ كىم؟ ونىڭ مەملەكەت باسشىسىنا ارنالعان تاعى قانداي ولەڭدەرى بار؟ ەرقانات كوپجاسار ءبىلىپ قايتقان ەدى.
«ۋا، نۇر-اتام - قۇدايىم، سىزدەن باسقا جوق قۇداي!» بۇل اقىن بالتابەك نۇرعاليەۆتىڭ «جۇماق-ەستى جاراتقان» ولەڭ
تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ كوللەدجىندە ءدارىس بەرەتىن بالتابەك نۇرعاليەۆ اقىندىعىنىڭ ارقاسىندا 2012 جىلى حالىقارالىق شابىت فەستيۆالىندە «ۇزدىك ادەبي شىعارما» نوميناتسياسىنىڭ گران-ءپريىن يەلەنگەن. بالتابەك بالا كۇنىنەن ەلباسىعا ارناپ ولەڭ جازىپ كەلەدى ەكەن. ونىڭ مەملەكەت باسشىسىنا دەگەن قۇرمەتى ەرەكشە.
بالتابەك نۇرعاليەۆ، اقىن:
– مەنىڭ تۇسىنىگىمدە قۇدايى، جاراتۋشى يەسى جانە جاسامپاز جاراتقانى!
قازاقستان دەموكراتيالىق باعىتتى ۇستانعان مەملەكەت بولسا دا، بالتابەك نۇرعاليەۆ ەلىمىزدە مونارحيالىق بيلىك ورناعانىن ارماندايدى ەكەن.
بالتابەك نۇرعاليەۆ، اقىن:
– ۇيادا نە كورسەڭ، ۇشقاندا سونى ىلەسىڭ دەيدى. سول تەكتىلىك تۇرعىسىنان كەلگەندە مەن قازاقستاندى نازارباەۆتار ديناستياسى بيلەگەنىن قالايمىن.
ال، الەۋمەتتىك جەلىدە بالتابەكتىڭ بۇل ولەڭدەرى تەك پيار باعىتتا، اتاعىن اسپانداتىپ، مانسابىن كوتەرۋ ءۇشىن جازىلعان دەپ جازعىرىپ جاتقاندار جوق ەمەس. جوعارىداعىلاردىڭ تاپسىرىسى بولۋى مۇمكىن دەپ توپشىلايتىندار دا بار. ول ازداي اقىنعا اسا جاعىمپازدانا بەرمە دەپ قورقىتىپ ۇركىتەتىندەر دە كوبەيىپ كەتكەن ەكەن.
بالتابەك نۇرعاليەۆ، اقىن:
– ەشقانداي دا تاپسىرىس ەمەس. اسىرەسە بيلىك تاراپىنان تاپسىرىس ەمەس.
الايدا مەملەكەت باسشىسى ءوز ەسىمىن اسپانداتىپ جاعىمپازداناتىندارعا ماقتاۋدىڭ دا شەگى بار دەپ تالاي رەت شەگەلەپ ايتىپ، قارسىلىق بىلدىرگەن ەدى.
نۇرسۇلتان نازارباەۆ، قازاقستان رەسپۋبليكاسىنىڭ پرەزيدەنتى:
– منوگو لەستنىح سلوۆ ۆ موي ادرەس. يا يمەيۋ تاكوي وپىت، تاكوي ۆوزراست. مەنيا ەتيم ترونۋت، كونەچنو، نەۆوزموجنو.
ال زاماناۋي جىراۋ اتانىپ كەتكەن، اتۋ شىلى جان احماديەۆتىڭ جانىنا بالتابەكتىڭ ولەڭدەرى قاتتى باتىپ جۇرگەن سىڭايلى. ول پرەزيدەنتتى قۇدايعا تەڭەگەن بالتابەك، اقىنداردىڭ اتىنا كىر كەلتىرىپ ءجۇر دەيدى. اشىنعان جان بالتابەككە رەپ شىعارىپ ۇلگەرىپتى.
جان احماديەۆ، زاماناۋي جىراۋ:
– تىڭدا مەنى اقىنسىماق ارقاداعى جاۋىرىن. ولەڭ جازساڭ، جازساڭشى سەن ءتاۋىرىن. بىلەسىڭ بە؟! اداسۋمەن ساندالۋمەن ءوتىپ جاتىر ءداۋىرىڭ. ەستە بولسىن پەندە ەمەس، اللا سەنىڭ ءتاڭىرىڭ.
دەسە دە بالتابەك نۇرعاليەۆ قازاقتى قۇردىمنان قۇتقارعان پرەزيدەنت نۇرسۇلتان ءابىشۇلى نازارباەۆقا ارناپ جىر جازۋ ءوزىنىڭ ازاماتتىق ءھام اقىندىق بورىشى دەپ بىلەدى.
________________________________________________________________________________________________________
ەرقانات كوپجاسار،
رينات ءابۋلحايىروۆ
