«Ua, Nūr-Atam - Qūdaiym, Sızden basqa joq Qūdai!» Būl aqyn Baltabek Nūrǧalievtıŋ «Jūmaq-estı Jaratqan» öleŋınen üzındı. Soŋǧy kezde äleumettık jelıge prezident pen onyŋ otbasyna qatysty otty öleŋ joldaryn jiı jariialaityn aqyn qoǧamda qyzu talqyǧa tüsıp jatyr. Baltabek Nūrǧaliev kım? Onyŋ memleket basşysyna arnalǧan taǧy qandai öleŋderı bar? Erqanat Köpjasar bılıp qaitqan edı.
«Ua, Nūr-Atam - Qūdaiym, Sızden basqa joq Qūdai!» Būl aqyn Baltabek Nūrǧalievtıŋ «Jūmaq-estı Jaratqan» öleŋ
Temırbek Jürgenov atyndaǧy Qazaq ūlttyq öner akademiiasynyŋ kolledjınde därıs beretın Baltabek Nūrǧaliev aqyndyǧynyŋ arqasynda 2012 jyly Halyqaralyq Şabyt festivalınde «Üzdık ädebi şyǧarma» nominasiiasynyŋ gran-priın ielengen. Baltabek bala künınen elbasyǧa arnap öleŋ jazyp keledı eken. Onyŋ memleket basşysyna degen qūrmetı erekşe.
BALTABEK NŪRǦALİEV, aqyn:
– Menıŋ tüsınıgımde qūdaiy, jaratuşy iesı jäne jasampaz jaratqany!
Qazaqstan demokratiialyq baǧytty ūstanǧan memleket bolsa da, Baltabek Nūrǧaliev elımızde monarhiialyq bilık ornaǧanyn armandaidy eken.
BALTABEK NŪRǦALİEV, aqyn:
– Ūiada ne körseŋ, ūşqanda sony ılesıŋ deidı. Sol tektılık tūrǧysynan kelgende men Qazaqstandy Nazarbaevtar dinastiiasy bilegenın qalaimyn.
Al, äleumettık jelıde Baltabektıŋ būl öleŋderı tek piar baǧytta, ataǧyn aspandatyp, mansabyn köteru üşın jazylǧan dep jazǧyryp jatqandar joq emes. Joǧarydaǧylardyŋ tapsyrysy boluy mümkın dep topşylaityndar da bar. Ol azdai aqynǧa asa jaǧympazdana berme dep qorqytyp ürkıtetınder de köbeiıp ketken eken.
BALTABEK NŪRǦALİEV, aqyn:
– Eşqandai da tapsyrys emes. Äsırese bilık tarapynan tapsyrys emes.
Alaida memleket basşysy öz esımın aspandatyp jaǧympazdanatyndarǧa maqtaudyŋ da şegı bar dep talai ret şegelep aityp, qarsylyq bıldırgen edı.
NŪRSŪLTAN NAZARBAEV, Qazaqstan Respublikasynyŋ Prezidentı:
– Mnogo lestnyh slov v moi adres. Iа imeiu takoi opyt, takoi vozrast. Menia etim tronut, konechno, nevozmojno.
Al zamanaui jyrau atanyp ketken, atu şyly Jan Ahmadievtıŋ janyna Baltabektıŋ öleŋderı qatty batyp jürgen syŋaily. Ol prezidenttı qūdaiǧa teŋegen Baltabek, aqyndardyŋ atyna kır keltırıp jür deidı. Aşynǧan Jan Baltabekke rep şyǧaryp ülgerıptı.
JAN AHMADİEV, zamanaui jyrau:
– Tyŋda menı aqynsymaq arqadaǧy jauyryn. Öleŋ jazsaŋ, jazsaŋşy sen täuırın. Bılesıŋ be?! Adasumen sandalumen ötıp jatyr däuırıŋ. Este bolsyn pende emes, Alla senıŋ Täŋırıŋ.
Dese de Baltabek Nūrǧaliev qazaqty qūrdymnan qūtqarǧan prezident Nūrsūltan Äbışūly Nazarbaevqa arnap jyr jazu özınıŋ azamattyq häm aqyndyq boryşy dep bıledı.
________________________________________________________________________________________________________
Erqanat Köpjasar,
Rinat Äbulhaiyrov
