تاسقىن شىر اينالدىرعان ەلىمىزدى شىعىسى ءسال تىنىشتالعاندا، ەندى سولتۇستىكتە ەسىل وزەنى ارناسىنان اسىپ جاتىر. كولىك جولدارىن شايىپ تاسىپ جاتىر. سوڭعى اقپارعا قاراعاندا، قازىر ءنوۆوسىبىر-چەليابى تاس جولىن سۋ باستى. ەرنەۋىنەن اسقان وزەننىڭ سۋى ەلدىمەكەندەرگە دە زيانىن تيگىزۋى مۇمكىن. ويتكەنى، سۋ دەڭگەيى ءبىر مەتردەن ارتىق كوتەرىلىپ كەتكەن.
قازىر حالىقارالىق جولدىڭ ماڭىندا كولىك قاتىناسىنا تىيىم سالىنىپ، ارنايى ورگاندار تاۋلىكتىك كەزەكشىلىك ورناتقان. الداعى كۇندەرى سۋدىڭ دەڭگەيى ءالى دە كوتەرىلەدى دەگەن بولجام بار. سەبەبى ەسىل وزەنىندەگى قالىڭ مۇز تولىق ەري قويعان جوق. بۇگىن سول ماڭدا ورنالاسقان ساياجايلارعا دا سۋ جايىلا باستادى. توتەنشە جاعداي قىزمەتكەرلەرى ساياجاي ۋچاسكىلەرىنىڭ دەنى تاعى سۋدىڭ استىندا قالاۋى مۇمكىن دەيدى. سونداي-اق، قالا ىرگەسىندەگى زارەچنىي اۋىلىنا باراتىن جولدى دا سۋ باسقان. ال قۇتقارۋشىلار تاسقىن ءالى دە ۇدەي تۇسەدى دەپ دايىندىقتى كۇشەيتىپ جاتىر.
رۇستەم جۇماعاليەۆ، سقو تجد ديسپەتچەرلىك قىزمەت باسقارماسىنىڭ باسشىسى:
– سۋدىڭ دەڭگەيى ءالى كوتەرىلىپ جاتىر. جىلداعىداي ساياجايلار سۋعا كەتەدى. باسپانالارعا سۋ كىرە قويمايدى دەپ ۇمىتتەنەمىز. بىراق ءبارىن باقىلاۋدا ۇستاپ وتىرمىز. 29 مامىردا تاسقىننىڭ شارىقتاۋ شىڭى بولادى دەپ كۇتىلەدى.
__________________________________________________________________________________________________________________________________________________
31.kz
ۇقساس جاڭالىقتار
