الەمدىك ساياساتتى ۇلكەن وزگەرىستەر كۇتىپ تۇر. سەبەبى بۇگىن سولتۇستىك كورەيا پرەزيدەنتى كيم چەن ىن تۇڭعىش رەت وڭتۇستىك كورەيا جەرىنە اياق باسىپ، ارىپتەسى مۋن چجە ينمەن كەزدەستى. ەكى ەل باسشىلارى قىرعي-قاباق ءداۋىرىن ارتتا قالدىرىپ، ىنتىماقتاستىق ورناتۋعا ۋاعدالاستى.
مەملەكەت باسشىلارى شەكاراداعى دەماركاتسيا سىزىعىندا كەزدەستى. ەزۋلەرى جيىلماعان كيم چەن ىن مەن مۋن چجە ين قول ۇستاسىپ سىزىقتىڭ ەكى جاعىنا دا شىعىپ كورىپ، سوڭىنان وڭتۇستىك كورەيا جاعىنداعى راسىمگە قاتىستى. پرەزيدەنتتەر رەسمي كەزدەسۋدەن كەيىن بىرىگىپ اعاش ەكتى، ال كەشكە تامان ءتىپتى كينو كورۋ جوسپارلانعان. ايتا كەتەيىك، سولتۇستىك كورەيا پرەزيدەنتتەرى سوناۋ 1953 جىلعى كورەي سوعىسىنان كەيىن كورشى ەلگە اتتاپ باسپاعان.
__________________________________________________________________________________________________________________
31.kz
