"قازاقستانداعى كەيبىر شەنەۋنىكتەر "اقش-پەن" جاقسى دوس بولايىق دەپ رەسەيگە قارسى شىعۋدا. سىزدەر وزدەرىڭىزگە ناقتى نە كەرەگىن انىقتاپ الىڭىزدار. تاعى "قاڭتار قىرعىنى" ورىن السا، ءبىز سىزدەرگە كومەكتەسپەيمىز". مۇنداي پىكىردى تمد ەلدەرى ينستيتۋتىنىڭ اسكەري ساراپشىسى ۆلاديمير ەۆسەەۆ "مك" باسىلىمىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
وسى جىلدىڭ قاڭتارىندا رەسەي ءوزىنىڭ بىتىمگەرلەرىن جىبەرمەگەندە، قازاقستانداعى جاعداي درامالىق سيپاتتا بولار ەدى، - دەدى ساراپشى.
– بىراق رەسەي قازاقستانعا بىتىمگەرلەردى جىبەردى، سونىڭ ارقاسىندا قازاقستانداعى تۇراقتىلىقتى ساقتاپ قالدى. ال قازىر كەيبىر شەنەۋنىكتەر "قۇداي ساقتاسىن، بىزگە اقش قارسى سانكتسيالار ەنگىزبەۋى ءۇشىن ولارمەن جاقسى دوس بولايىق" دەپ جاتىر. سىزدەر ناقتى نە قالايتىندارىڭىزدى انىقتاپ الىڭىزدار. سىزدەر قاڭتاردا جۇزەگە اسىرماقشى بولعان ء"تۇرلى-ءتۇستى رەۆوليۋتسيانى" قالايسىزدار ما؟ مۇمكىن سىزدەر ءتىپتى ء"تۇرلى-ءتۇستى رەۆوليۋتسيانىڭ" جاقتاۋشىسى شىعارسىزدار؟ بىراق ەگەر ء"تۇرلى-ءتۇستى رەۆوليۋتسيانىڭ" جاقتاۋشىسى بولساڭىزدار، وندا سىزدەرگە قارسى ءىس قوزعاۋعا بولادى. ويتكەنى، قازاقستانعا توڭكەرىس جاساماق بولعان رەسەي فەدەراتسياسى ەمەس، - دەپ رەنىشىن ءبىلدىردى ساراپشى.
ۆلاديمير ەۆسەەۆتىڭ ايتۋىنشا، قازاقستاندا ورىستاردى جەك كورەتىن "رۋسوفوبتار" كوپ.
- قازاقستاندا نەشە ءتۇرلى كوزقاراستار بار. ول جاقتا "رۋسوفوبتار" كوپ. جاعداي بىلاي: بيىلعى "قاڭتار وقيعاسى" ءبىر نۇسقا بويىنشا – اقش پەن ۇلىبريتانيا ۇيىمداستىرعان توڭكەرىس ارەكەتى. ەندى رەسەي فەدەراتسياسى «ءتۇرلى-ءتۇستى رەۆوليۋتسيادان» قۇتقارعان قازاقستان: «جوق، ءبىز رەسەيگە كومەكتەسپەيمىز، ويتكەنى سانكتسيادان قورقامىز» دەپ وتىر. بىراق ەگەر سىزگە قارسى توڭكەرىس ۇيىمداستىرعان مەملەكەتتىڭ سانكتسيالارىنان قورقاتىن بولساڭىز، وندا ءسىز جاقىن ارادا سول سياقتى ەكىنشىسىن الا الاسىز. بۇل ءبىرىنشى. ەكىنشى. قازىر قالىپتاسىپ كەلە جاتقان كوپپوليارلى الەمدە قازاقستاننىڭ وزىندىك ورنى بار ما؟ ەگەر ونىڭ ورنى بولماسا، وندا، ارينە، ول ءبارىن دۇرىس جاسايدى. بىراق ەگەر ول ءبىر ورىنعا يە بولعىسى كەلسە، وندا ونىڭ داۋىس بەرۋ قۇقىعى بولۋى كەرەك. جاعداي وتە قاراپايىم، - دەدى ول. "
ساراپشى قازاقستاندا "قاڭتار قىرعىنى" تاعى قايتالانسا رەسەي كومەكتەسە المايتىنىن مالىمدەدى.
"قالاي بولعاندا دا، رەسەي ارالاسۋعا ءماجبۇر بولادى. بىراق، ەگەر قازاقستاندا رەسەيگە قارسى سوزدەر ناسيحاتتالسا، مينيستر بولىپ "رۋسوفوبتار" تاعايىندالسا، ەگەر قاڭتارداعى قايعىلى وقيعاعا اكەپ سوقتىرعان بۇرىنعى كوپۆەكتورلى باعىتتى جالعاستىرۋعا تالپىنىستار بولسا، وندا رەسەيگە وعان كەزەكتى رەت كومەكتەسۋ كەرەك پە دەگەن شەشىم قابىلداۋ قيىن بولادى. بۇل قازاقستاننىڭ ءوز تاڭداۋى".
"ادىرنا" ۇلتتىق پورتالى
