"Qazaqstandaǧy keibır şeneunıkter "AQŞ-pen" jaqsy dos bolaiyq dep Reseige qarsy şyǧuda. Sızder özderıŋızge naqty ne keregın anyqtap alyŋyzdar. Taǧy "Qaŋtar qyrǧyny" oryn alsa, bız sızderge kömektespeimız". Mūndai pıkırdı TMD elderı institutynyŋ äskeri sarapşysy Vladimir Evseev "MK" basylymyna bergen sūhbatynda aitty, dep jazady "Adyrna" ūlttyq portaly.
Osy jyldyŋ qaŋtarynda Resei özınıŋ bıtımgerlerın jıbermegende, Qazaqstandaǧy jaǧdai dramalyq sipatta bolar edı, - dedı sarapşy.
– Bıraq Resei Qazaqstanǧa bıtımgerlerdı jıberdı, sonyŋ arqasynda Qazaqstandaǧy tūraqtylyqty saqtap qaldy. Al qazır keibır şeneunıkter "Qūdai saqtasyn, bızge AQŞ qarsy sanksiialar engızbeuı üşın olarmen jaqsy dos bolaiyq" dep jatyr. Sızder naqty ne qalaityndaryŋyzdy anyqtap alyŋyzdar. Sızder Qaŋtarda jüzege asyrmaqşy bolǧan "türlı-tüstı revoliusiiany" qalaisyzdar ma? Mümkın sızder tıptı "türlı-tüstı revoliusiianyŋ" jaqtauşysy şyǧarsyzdar? Bıraq eger "türlı-tüstı revoliusiianyŋ" jaqtauşysy bolsaŋyzdar, onda sızderge qarsy ıs qozǧauǧa bolady. Öitkenı, Qazaqstanǧa töŋkerıs jasamaq bolǧan Resei Federasiiasy emes, - dep renışın bıldırdı sarapşy.Vladimir Evseevtıŋ aituynşa, Qazaqstanda orystardy jek köretın "rusofobtar" köp.
- Qazaqstanda neşe türlı közqarastar bar. Ol jaqta "rusofobtar" köp. Jaǧdai bylai: Biylǧy "Qaŋtar oqiǧasy" bır nūsqa boiynşa – AQŞ pen Ūlybritaniia ūiymdastyrǧan töŋkerıs äreketı. Endı Resei Federasiiasy «türlı-tüstı revoliusiiadan» qūtqarǧan Qazaqstan: «Joq, bız Reseige kömektespeimız, öitkenı sanksiiadan qorqamyz» dep otyr. Bıraq eger sızge qarsy töŋkerıs ūiymdastyrǧan memlekettıŋ sanksiialarynan qorqatyn bolsaŋyz, onda sız jaqyn arada sol siiaqty ekınşısın ala alasyz. Būl bırınşı. Ekınşı. Qazır qalyptasyp kele jatqan köppoliarly älemde Qazaqstannyŋ özındık orny bar ma? Eger onyŋ orny bolmasa, onda, ärine, ol bärın dūrys jasaidy. Bıraq eger ol bır orynǧa ie bolǧysy kelse, onda onyŋ dauys beru qūqyǧy boluy kerek. Jaǧdai öte qarapaiym, - dedı ol. "Sarapşy Qazaqstanda "Qaŋtar qyrǧyny" taǧy qaitalansa Resei kömektese almaitynyn mälımdedı.
"Qalai bolǧanda da, Resei aralasuǧa mäjbür bolady. Bıraq, eger Qazaqstanda Reseige qarsy sözder nasihattalsa, ministr bolyp "rusofobtar" taǧaiyndalsa, eger qaŋtardaǧy qaiǧyly oqiǧaǧa äkep soqtyrǧan būrynǧy köpvektorly baǧytty jalǧastyruǧa talpynystar bolsa, onda Reseige oǧan kezektı ret kömektesu kerek pe degen şeşım qabyldau qiyn bolady. Būl Qazaqstannyŋ öz taŋdauy".
"Adyrna" ūlttyq portaly
