AQŞ basşysy Donald Tramppen Budapeştte ötetın kezdesude Resei prezidentı Vladimir Putinnıŋ qamauǧa alynbaityny belgılı boldy, dep habarlaidy "Adyrna" ūlttyq portaly.
Vengriianyŋ syrtqy ıster ministrı Peter Siiiartonyŋ aituynşa, Vengriia Resei prezidentın qūrmetpen qarsy alyp, onyŋ elge keluın, kelıssözderdıŋ sättı ötuın jäne otanyna aman-esen oraluyn qamtamasyz etedı.
«Bız prezident Vladimir Putindı qūrmetpen qarsy alamyz jäne onyŋ Vengriiaǧa keluıne barlyq jaǧdai jasaimyz. Būl üşın eşkımmen kelısudıŋ qajetı joq», – dedı Siiiarto.
Vengriia ükımetı būl şeşımdı eldıŋ egemendıgımen tüsındırıp otyr. Sondai-aq, ministr Putin men Tramptyŋ kezdesuı ötetın oryn men naqty kün älı bekıtılmegenın, tehnikalyq daiyndyqtar jürıp jatqanyn aitty. Al şara «Budapeşt sammitı» dep atalady.
Būǧan deiın Vengriia premer-ministrı Viktor Orban äleumettık jelıde eldıŋ beibıtşılık sammitıne daiyndalyp jatqanyn jazyp, «Vengriia – beibıtşılık araly» dep mälımdegen edı.
Aita keteiık, Vengriia Halyqaralyq qylmystyq sottyŋ (HQS) müşesı retınde Putinge 2023 jyly şyǧarylǧan tūtqyndau orderın oryndauǧa mındettı. Alaida Budapeşt būl talapty oryndaudan bas tartty.
Būǧan ūqsas jaǧdai 2025 jyly İzrail premer-ministrı Biniamin Netaniahu elge kelgende de qaitalanǧan. Sol kezde de Vengriia HQS orderın oryndaǧan joq.
Keiın vengr parlamentı eldı Halyqaralyq qylmystyq sot iurisdiksiiasynan şyǧaru turaly şeşım qabyldaǧan, bıraq būl prosess älı tolyq aiaqtalǧan joq.
Eske sala keteiık, Putinnıŋ Duşanbede ötken “Ortalyq Aziia – Resei” sammitıne jäne TMD memleket basşylarynyŋ keŋesıne qatysqan sapary kezınde Täjıkstan bilıgı de Halyqaralyq qylmystyq sottyŋ orderı talabyn oryndaǧan joq. Osyǧan bailanysty Europalyq odaq Täjıkstandy halyqaralyq qūqyq normalaryn būzdy dep aiyptaǧan bolatyn.
