Slovakiiada tört qazaqstandyq aqşa bopsalady degen küdıkpen ūstaldy

215
Adyrna.kz Telegram
https://www.adyrna.kz/storage/uploads/jQkNPV9jaXvSkUNeiKOxMLTHMlbBMMZhTF5j3jes.jpg

Foto: Jİ

Slovakiianyŋ Trenchin qalasynda tört qazaqstandyq aqşa bopsalau jäne adam ūrlau küdıgımen ūstaldy, dep habarlaidy “Adyrna” TN-ge sıltep.

Tergeu mälımetınşe, küdıktıler polisiia qyzmetkerlerınıŋ kiımın kiıp, jergılıktı tūrǧynnyŋ üiıne basyp kırıp, keiın ony ūryp-soqqan.

BAQ mälımetınşe, bes jıgıt özıne qaryzy bar dep eseptegen er adamdy ızdegen. Olar ony tuysynyŋ üiınen tappaq bolyp, aldymen üide bolǧan äjesıne özderın polisiia qyzmetkerlerı retınde tanystyrǧan.

Küdıktıler qara tüstı kiım kiıp, betterın balaklavamen jasyrǧan. Kiımderınde Slovakiianyŋ Ūlttyq qylmys agenttıgınıŋ (NAKA) atauy jazylǧan. Üige kırgen soŋ bölmelerdı tınti bastaǧan. Bolǧan jaǧdaidan üi iesı qatty qoryqqan.

Keiın küdıktıler er adamdy tauyp alyp, ony soqqyǧa jyqqan degen boljam bar. Osydan soŋ äiel jalǧan poliseilerdıŋ äreketıne şaǧymdanyp, olardyŋ qūqyq qorǧau organdaryna qatysy joq ekenın anyqtaǧan.

Polisiia bes adamnyŋ törteuın qolǧa tüsırgen. Besınşı küdıktı oqiǧa ornynan qaşyp ketken

Pıkırler