فوتو: جي
سلوۆاكيانىڭ ترەنچين قالاسىندا ءتورت قازاقستاندىق اقشا بوپسالاۋ جانە ادام ۇرلاۋ كۇدىگىمەن ۇستالدى، دەپ حابارلايدى “ادىرنا” TN-گە سىلتەپ.
تەرگەۋ مالىمەتىنشە، كۇدىكتىلەر پوليتسيا قىزمەتكەرلەرىنىڭ كيىمىن كيىپ، جەرگىلىكتى تۇرعىننىڭ ۇيىنە باسىپ كىرىپ، كەيىن ونى ۇرىپ-سوققان.
باق مالىمەتىنشە، بەس جىگىت وزىنە قارىزى بار دەپ ەسەپتەگەن ەر ادامدى ىزدەگەن. ولار ونى تۋىسىنىڭ ۇيىنەن تاپپاق بولىپ، الدىمەن ۇيدە بولعان اجەسىنە وزدەرىن پوليتسيا قىزمەتكەرلەرى رەتىندە تانىستىرعان.
كۇدىكتىلەر قارا ءتۇستى كيىم كيىپ، بەتتەرىن بالاكلاۆامەن جاسىرعان. كيىمدەرىندە سلوۆاكيانىڭ ۇلتتىق قىلمىس اگەنتتىگىنىڭ (NAKA) اتاۋى جازىلعان. ۇيگە كىرگەن سوڭ بولمەلەردى ءتىنتي باستاعان. بولعان جاعدايدان ءۇي يەسى قاتتى قورىققان.
كەيىن كۇدىكتىلەر ەر ادامدى تاۋىپ الىپ، ونى سوققىعا جىققان دەگەن بولجام بار. وسىدان سوڭ ايەل جالعان پوليتسەيلەردىڭ ارەكەتىنە شاعىمدانىپ، ولاردىڭ قۇقىق قورعاۋ ورگاندارىنا قاتىسى جوق ەكەنىن انىقتاعان.
پوليتسيا بەس ادامنىڭ تورتەۋىن قولعا تۇسىرگەن. بەسىنشى كۇدىكتى وقيعا ورنىنان قاشىپ كەتكەن
