قازاقستان پرەزيدەنتى قاسىم-جومارت توقاەۆ كورەيا رەسپۋبليكاسىنا مەملەكەتتىك ساپارى بارىسىندا Lotte Group باسقارما توراعاسى دون بين شينمەن كەزدەستى، دەپ حابارلايدى “ادىرنا”.
بۇل تۋرالى اقوردا حابارلادى.
كەزدەسۋ بارىسىندا قازاقستانداعى قوناقۇي بيزنەسىن دامىتۋ جانە ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى.
دون بين شين Lotte برەندىمەن الماتى مەن الاتاۋ قالالارىندا قوناقۇيلەر سالۋ جوسپارىن تانىستىردى. سونىمەن قاتار كومپانيا وكىلى Alatau City جوباسىن دامىتۋعا، سونىڭ ىشىندە Iconic Complex كەشەنىنىڭ قۇرىلىسىنا قاتىسۋعا نيەتتى ەكەنىن جەتكىزدى.
كەزدەسۋدە Lotte Group-تىڭ قازاقستانداعى تاماق ونەركاسىبى، لوگيستيكا جانە قوناقۇي بيزنەسى سالالارىنا ينۆەستيتسيا سالۋ جوسپارى دا ءسوز بولدى.
ءوز كەزەگىندە قاسىم-جومارت توقاەۆ كورەيالىق كومپانيانىڭ قازاقستانداعى تابىستى جوبالارىنا توقتالدى. اتاپ ايتقاندا، «راحات» برەندىن دامىتۋ جانە الماتى مەن شىمكەنت قالالارىنداعى وندىرىستىك الاڭداردى جاڭعىرتۋ باعىتتارىنداعى جۇمىستار اتاپ ءوتىلدى.
Lotte Corporation – 1967 جىلى سەۋلدە قۇرىلعان ءىرى وڭتۇستىككورەيالىق كونگلومەراتتاردىڭ ءبىرى. كومپانيا 60-تان استام كاسىپتى بىرىكتىرەدى.
