سامارقاندا شەتەل تۋريستەرىنە قارسى زاڭسىز ارەكەتتەرگە بارعان قۇقىق قورعاۋ قىزمەتكەرلەرى جاۋاپكەرشىلىككە تارتىلادى. بۇل تۋرالى وزبەكستان ءىىم ءباسپاسوز حاتشىسى شوحرۋح گياسوۆ مالىمدەدى، دەپ حابارلايدى “ادىرنا” ۇلتتتىق پورتالى.
ءباسپاسوز حاتشىسىنىڭ مالىمەتىنشە، 21 مامىرعا قاراعان ءتۇنى سامارقاند قالاسىندا جول قوزعالىسى قىزمەتىنىڭ وكىلدەرى كورشى ەلدەن كەلگەن تۋريستەردىڭ مەكەن-جايىن انىقتاۋ ءۇشىن ولارعا قارسى ەلەكتروشوكەر قولدانعان.
دەگەنمەن تۋريستەردىڭ ناقتى قاي ەلدەن كەلگەنى جايلى ايتىلمادى. جەرگىلىكتى باسىلىمداردىڭ سوزىنشە، تۋريستەر اراسىندا قازاقستان ازاماتتارى بولعان. ولاردىڭ جانىندا بارلىق قۇجاتتارى بار ەكەنىنە قاراماستان، قۇقىق قورعاۋ قىزمەتكەرلەرى تۋريستەردى ۇستاپ، تەرگەۋگە العان.
ءىىم پروكۋراتۋرامەن بىرلەسىپ، بۇل ءىس بويىنشا تەرگەۋدى باستاعانىن حابارلادى. تەرگەۋ ناتيجەسىنەن كەيىن بۇل ىسكە جاۋاپتى بارلىق قىزمەتكەرلەر مەن ولاردىڭ باسشىلارى قىزمەتىنەن الىناتىنى ايتىلدى.
”ادىرنا” ۇلتتىق پورتالى
