وزبەكستان پرەزيدەنتى شاۆكات ميرزيوەۆ ەلدە ەكىنشى اەس سالۋعا قاتىستى «اۋقىمدى دايىندىق» ءجۇرىپ جاتقانىن العاش رەت كوپشىلىك الدىندا مالىمدەدى. بۇل تۋرالى Gazeta.uz جازدى، دەپ حابارلايدى «ادىرنا» ءتىلشىسى.
ميرزيوەۆتىڭ ايتۋىنشا، ەنەرگەتيكانى دامىتۋ ينۆەستورلاردى تۇراقتى ەلەكتر ەنەرگياسىمەن قامتاماسىز ەتىپ، ونىڭ قۇنىن تومەندەتۋ ءۇشىن قاجەت. قازىرگى ۋاقىتتا العاشقى اەس جيزاق وبلىسىندا سالىنىپ جاتىر.
ء«بىز قانداي رەفورمالار جۇرگىزىپ، قانداي جوبالاردى جۇزەگە اسىرىپ جاتقانىمىزدى وزدەرىڭىز كورىپ وتىرسىزدار. ءبىر كەزدەرى جيزاقتا اتوم ەلەكتر ستانتسياسى بولادى دەپ ەلەستەتە الار ما ەدىك؟» – دەدى ول.
ودان ءارى ميرزيوەۆ تاعى ءبىر اەس جوباسىنا دايىندىق ءجۇرىپ جاتقانىن ايتتى.
«بۇگىن سىزدەرگە ءبىر قۇپيانى ايتايىن. جاقىن ارادا ەكىنشى ستانتسيا بويىنشا دا اۋقىمدى دايىندىق جۇمىستارىن جۇرگىزىپ جاتىرمىز»، – دەدى ميرزيوەۆ.
ونىڭ ايتۋىنشا، ازىرگە ەكىنشى اەس-ءتىڭ سالىنۋى مۇمكىن ورنى، قۋاتى جانە جوبانى ىسكە اسىرۋ مەرزىمى جاريالانعان جوق.
