بولات نازارباەۆ «ەسەنتاي ءسيتيدى» رەيدەرلىك جولمەن باسىپ الدى دەپ ايىپتالدى، 5 ءساۋىر كۇنى قاماۋعا الىنعان الماس ابدىعاپپاروۆتىڭ جۇبايى نازارباەۆتىڭ قيتۇرقى ارەكەتتەرىن اشىپ، بار شىندىقتى جاريا ەتپەكشى، دەپ جازادى "ادىرنا" ۇلتتىق پورتالى.
ەلوردادا وتەتىن ءباسپاسوز ءماسليحاتىندا قاماۋعا الىنعان كاسىپكەر الماس ابدىعاپپاروۆتىڭ جۇبايى بولات نازارباەۆتىڭ «ەسەنتاي ءسيتيدى» رەيدەرلىك باسىپ الۋ ارەكەتى تۋرالى ايتىپ بەرمەكشى.
ولگا ابدىعاپپاروۆا باق وكىلدەرىنەن ۇقك باسشىسى مەن باس پروكۋرورعا جازعان ۇندەۋىن جاريالاۋدى سۇرايدى. ول الداۋ، بوپسالاۋ، اتا-اناسىنىڭ باسىنا تونگەن قاۋىپ-قاتەر تۋرالى ەگجەي-تەگجەيلى ايتىپ بەرەتىنىن حابارلادى.
سونداي-اق الماتى پوليتسيا دەپارتامەنتى مەن پروكۋراتۋراسىنىڭ كەيبىر ادامدارىنىڭ قولداۋىمەن بولات نازارباەۆتىڭ وكىلدەرى ابدىعاپپاروۆتاردىڭ 35% ۇلەسىن "AV-Construction"جشس-دە قالاي تارتىپ العانىن ايتىپ بەرمەك.
"AV-Construction" Pricewaterhouse Cooper's كومپانياسىنىڭ قۇنى 100 ملن دوللارعا باعالاندى، الايدا نازارباەۆتىڭ ادامدارى ابدىعاپپاروۆتىڭ اتا-اناسىنا كومپانيانىڭ 25% اكتسياسى ءۇشىن 27,5 مىڭ تەڭگە تولەپ، ۇلىن بوساتىپ بەرۋگە ۋادە بەرگەن، بىراق سوڭىندا سوزىندە تۇرماعان.
ال تەرگەۋ قاماۋعا الىنعان كاسىپكەر ابدىعاپپاروۆتى «AV-Construction» جشس-دەگى 10 پايىزدىق ۇلەسى ءۇشىن 1 ميلليون دوللار جىمقىردى دەپ ايىپتاۋعا تىرىسۋدا. وسى ۋاقىتتا نازارباەۆتىڭ ادامدارى AV-Construction-دى باسقارعان كەزدە ودان 16 ملن دوللار الىپ شىققان.
وتەتىن كۇنى مەن ۋاقىتى: 5 ءساۋىر 14:00
وتەتىن ورنى: استانا، "فاۆوريت" بو، بوگەنباي باتىر داڭعىلى 56ا، 20-كەڭسە، 5-قابات
بايلانىس: +7 701 218 5550 ولگا ابدىعاپپاروۆا
+7 777 471 7140 مادينا جاتكانباەۆا
+7 775 626 8258 ماحامبەت ابجان
"ادىرنا" ۇلتتىق پورتالى
