مەيىرجان تورەباەۆ، ازيزجان سايدباەۆ جانە مەيىرحان شەرنيازوۆقا قاتىستى قىلمىستىق ءىس تۋرالى تىڭ اقپارات شىقتى، دەپ حابارلايدى “ادىرنا” ۇلتتىق پورتالى.
Mudarabah Capital ءىسى بويىنشا تەرگەۋشىلەر الماتى، نۇر-سۇلتان جانە الماتى وبلىسىندا ورنالاسقان مۇلىكتى تاركىلەدى. بۇل تۋرالى قر ءىىم تەرگەۋ دەپارتامەنتىنىڭ باسشىسى سانجار ءادىلوۆ مالىمدەدى.
ەڭ الدىمەن، مەن ۆاينەرلەر، بلوگەرلەر دەپ اتالاتىندار تۋرالى ايتقىم كەلەدى. ولار باسقا ازاماتتارمەن قاتار قولدانىستاعى كونستيتۋتسياعا ساي تەڭ قۇقىقتارى مەن مىندەتتەرى بار قاراپايىم ادامدار. قىلمىستىق قۋدالاۋ ورگاندارى ءۇشىن ولاردىڭ ەشقانداي ايىرماشىلىعى جوق، مارتەبەسى نەمەسە جۇمىس ورنىنىڭ بولۋى ماڭىزدى ەمەس. ايتايىن دەگەنىم، وزدەرىن ۆاينەر اتاپ جۇرگەندەر (ۇشەۋ) قىلمىستىق جاۋاپكەرشىلىككە تارتىلادى، دەدى قر ءىىم تەرگەۋ دەپاراتامەنتىنىڭ باستىعى سانجار ءادىلوۆ.
بۇگىندە سوتتىڭ سانكتسياسىمەن ول سىرتتاي قاماۋعا الىنىپ، حالىقارالىق ىزدەۋ جاريالاندى، ونىڭ جۇرگەن جەرىن انىقتاۋ جانە قاماۋعا الۋ شارالارى جۇرگىزىلىپ جاتىر، دەدى سانجار ءادىلوۆ.
قازىرگى تاڭدا بۇل ىسكە بايلانىستى جەتكىلىكتى ايعاقتار جينالعاندىعى بەلگىلى بولدى.
Mudarabah Capital ءىسىن تەكسەرۋ اياسىندا كەشەندى تەرگەۋ شارالارى جۇرگىزىلدى... وسى ورايدا، مەن زارداپ شەككەندەرگە كەلتىرىلگەن ماتەريالدىق شىعىندى وتەۋ ماقساتىندا (سوت سانكتسياسىمەن. – رەد.) تەرگەۋشىلەر الماتى، نۇر-سۇلتان جانە الماتى وبلىسىندا ورنالاسقان مۇلىكتەردى تاركىلەدى: ءتورت جەر تەلىمى، 10 پاتەر، بەس ءۇي، ەكى كولىك، ءبىر دۇكەن، دەدى سانجار ءادىلوۆ.
“ادىرنا” ۇلتتىق پورتالى
