تۇركيا سىرتقى ىستەر مينيسترلىگى ءيزرايلدىڭ پالەستينالىقتارعا قارسى ارەكەتىن ايىپتادى، دەپ حابارلايدى "ادىرنا" ۇلتتىق پورتالى. بۇل تۋرالى Anadolu اگەنتتىگى جازدى.
مالىمدەمەدە اتاپ وتىلگەندەي:
«ءبىز يزرايل قاۋىپسىزدىك كۇشتەرىنىڭ پالەستينانىڭ بىرنەشە قالاسىندا، اتاپ ايتقاندا دجەنين قالاسىندا 7 پالەستينالىق بەيبىت تۇرعىندى، سونىڭ ىشىندە ءبىر بالانى ءولتىرۋىن جانە بۇگىن تاڭەرتەڭ ولاردىڭ ارالاسۋى كەزىندە نامازعا جينالعان ءال-اقسا مەشىتىندە بولعان مۇسىلمانداردى جارالاعانىن قابىلدامايمىز جانە قاتاڭ ايىپتايمىز. ءبىز ايماقتاعى سوڭعى ۋاقىتتا شيەلەنىستىڭ كۇشەيۋىنە قاتتى الاڭدايمىز. ءال-اقسا مەشىتىنىڭ مارتەبەسى مەن رۋحىنا قاتىستى ارانداتۋشىلىقتار مەن قوقان-لوققىلاردىڭ الدىن الۋدىڭ ماڭىزدىلىعىن، اسىرەسە، وسىناۋ قيىن كەزەڭدە تاعى دا قايتالاعىمىز كەلەدى. وقيعالاردا قازا تاپقان پالەستينالىق بەيبىت تۇرعىندارعا اللانىڭ راقىمىن، جارالىلاردىڭ تەزىرەك ساۋىعىپ كەتۋىن تىلەيمىز» دەدى.
"ادىرنا" ۇلتتىق پورتالى
