ۋكرايناداعى رەسەي ارمياسى الداعى بىرنەشە ايدا تولىق جەڭىلىسكە ۇشىراۋى مۇمكىن. ۋكراينانىڭ قارۋلى كۇشتەرىنە وداقتاس ەلدەر قارۋ-جاراقتىڭ زاماناۋي ۇلگىلەرىن ۇسىنعان جاعدايدا بۇل مەرزىم قىسقارتىلۋى مۇمكىن. مۇنداي بولجامدى اسكەري ساراپشى ولەگ جدانوۆ "Obozrevatel" باسىلىمىنا بەرگەن ەكسكليۋزيۆتى سۇحباتىندا ايتتى، دەپ جازادى "ادىرنا" ۇلتتىق پورتالى.
«ءبىزدىڭ ارميامىزدا زاماناۋي قارۋ-جاراقتىڭ نەمەسە جەتكىلىكتى مولشەردەگى قارۋ-جاراقتىڭ بولۋى وقيعالاردىڭ بارىسىن ءبىزدىڭ پايدامىزعا تۇبەگەيلى وزگەرتۋى مۇمكىن»، - دەدى ول.
ساراپشى بۇگىندە قولدا بار مۇمكىندىكتەردىڭ وزىندە ۋكراينا ارمياسىنىڭ سوعىستا جوعارى ناتيجە كورسەتىپ وتىرعانىن اتاپ ءوتتى.
«ءبىز قازىردىڭ وزىندە قولىمىزدا بار قارۋ-جاراقپەن جاۋدى جويىپ جاتىرمىز، ەگەر بىزگە قاجەتتى مولشەردە جانە زاماناۋي قارۋ-جاراق بەرىلسە، ءبىز بۇل پروتسەستى ءوزىمىز ءۇشىن جەڭىلدەتەمىز»، - دەدى جدانوۆ.